मुंबई : शिवसेनेचे नेते तथा खासदार संजय राऊत यांच्यावर विविध आरोप करत दाखल केलेली एका ३९ वर्षीय महिलेची याचिका मुंबई उच्च न्यायालयाने फेटाळून लावली आहे. त्यामुळे संजय राऊत यांना एक प्रकारे क्लिन चिट मिळाल्याचे मानले जात आहे. शिवसेना खासदार संजय राऊत यांच्यावर आरोप करत या महिलेने म्हटले की, संजय राऊत यांच्या सांगण्यावरुन पाठीमागील सात वर्षांपासून आपला छळ सुरु आहे. न्यायालयाने या महिलेची याचिका फेटाळून लावली आहे
#Breaking : #BombayHighCourt dismisses 39-year-old woman's petitions in which alleged harassment by unknown persons on Shiv Sena MP Sanjay Raut's behest. @rautsanjay61 pic.twitter.com/n8pb4IBwFv
— Live Law (@LiveLawIndia) August 25, 2021
एका महिलेने संजय राऊत यांच्यावर गंभीर आरोप केला होता. एका व्यक्तिच्या माध्यमातून राऊत यांनी आपला छळ केल्याचं या महिलेने म्हटलं होतं. राऊत यांनी आपल्यावर पाळत ठेवण्यासाठी माणसं ठेवली होती. हेरगिरी करणं, शिवीगाळ करणं, धमक्या देणं आणि जीवानिशी मारण्याचा प्रयत्न करणं आदी आरोप या महिलेने राऊत यांच्यावर केले होते. २०१३ पासून आपला छळ सुरू असल्याचा दावा या महिलेने याचिकेत केला होता.
या महिलेने याबाबत पोलिसात एक तक्रारही दिली होती. तक्रार देऊनही पोलिसांनी गुन्हा नोंदवला नसल्याचे या महिलेने सांगितले होते. तसेच या प्रकरणात पोलिसांनाही प्रतिवादी करण्यात आले होते. या प्रकरणात राजकीय हस्तक्षेप होत असल्याचा दावाही करण्यात आला होता. पण आता हायकोर्टाने ही याचिका फेटाळून लावल्याने राऊत यांना मोठा दिलासा मिळाला आहे.
महत्त्वाच्या बातम्या
- सर्व गुन्हे रद्द करण्यासाठी नारायण राणे हायकोर्टाची पायरी चढणार
- ‘अशा धमक्यांना मी घाबरत नाही, जशास तसं उत्तर देईन!’- प्रसाद लाड
- अनिल परब यांच्याविरोधात भाजप कोर्टात जाणार; चंद्रकांत पाटलांचा इशारा
- ‘भविष्यात पुन्हा असे बोलणार नाही’, नारायण राणेंची कोर्टात ग्वाही
- ‘नारायण राणेंच्या घरात घुसून कोथळा बाहेर काढतो’; शिवसेनेच्या आमदाराची धमकी
