आशिष शेलार पाठोपाठ आता कॉंग्रेसच्या ‘या’ नेत्याला जीवे मारण्याची धमकी

🕒 1 min read

मुंबई: राज्यात राजकीय नेतेमंडळींना धमकीचं सत्र सुरुच आहे. भाजप नेते आशिष शेलार यांना दोन दिवसांपूर्वी म्हणजेच परवाच्या दिवशी जीवे मारण्याची धमकी देण्यात आली होती. त्यानंतर तातडीने आशिष शेलार यांनी या प्रकरणी मुंबई पोलीस आयुक्तांकडे पत्राद्वारे तक्रार केली होती. त्यानंतर आता शेलार यांना धमकी देणाऱ्याला मुंबईच्या गुन्हे शाखेकडून अटक करण्यात आली आहे.

भाजप नेते आशिष शेलार (Ashish Shelar) यांना जीवे मारण्याच्या धमकी नंतर आता कॉंग्रेसच्या चंद्रकांत हंडोरे (Chandrakant Handore) यांना देखील जीवे मारण्याची धमकी आल्याची माहिती समोर येत आहे. याबाबत चंद्रकांत हंडोरे यांनी टिळकनगर पोलिस ठाण्यात तक्रार दाखल केली आहे. धक्कादायक बाब म्हणजे निलेश नानचे असं हंडोरे यांना धमकी देणाऱ्या व्यक्तीचं नाव आहे. पोलिस आता त्या व्यक्तीचा शोध घेत आहेत.

हंडोरे यांना त्यांच्या पक्षातील माणसांवरच विश्वास नसल्याचे दिसत आहे. कारण काँग्रेस (Congress) पक्षातील कुणीतरी नानचे याला समोर करुन आपली हत्या करण्याचा प्रयत्न करत असल्याचा थेट आरोप चंद्रकांत हंडोरे यांनी केलाय. याबाबत पक्षाने आणि सरकारने दखल घेऊन त्वरित चौकशी करावी आणि दोषींवर कारवाई करावी अशी मागणी हंडोरे यांनी केली आहे.

महत्वाच्या बातम्या:

• ‘एक भीड का हिस्सा बनता, दुसरा भीड से भागता’; यशोमती ठाकूर यांची पंतप्रधानांवर टीका
• तारक मेहताची ‘बबिता जी’ चा मीनी ड्रेसधील डान्स पाहून व्हाल थक्क
• गोव्याच्या मुख्यमंत्र्यांच्या ‘त्या’ वक्तव्यावर संजय राऊतांचे प्रत्युत्तर, म्हणाले…
• “मला वाटतं बीसीसीआयने…”; विराट कोहली पत्रकार परिषदेला न येण्याबाबत प्रशिक्षकांची प्रतिक्रिया
• मराठा आरक्षणप्रश्नी सुप्रीम कोर्टात विनोद पाटील मांडणार ‘हा’ महत्वाचा मुद्दा