‘शिवरायांचा अवमान करणारी ‘ही’ भाजपाची छिंदम प्रवृत्ती’, तात्काळ माफी मागा; कॉंग्रेसची मागणी

🕒 1 min read

मुंबई: भाजपा प्रदेशाध्यक्ष चंद्रकांत पाटील यांनी एक वादग्रस्त वक्तव्य केले आहे. एका कार्यक्रमात बोलताना चंद्रकांत पाटील (Chandrakant Patil)यांनी पंतप्रधान मोदींची तुलना थेट छत्रपती शिवाजी महाराजांशी (Chhatrapati Shivaji Mahara)केली आहे. छत्रपती शिवाजी महाराजांनी हिंदूत्वाची व्होट बॅंक तयार केली असल्याचे त्यांनी म्हटले आहे. दरम्यान यावरूनच काँग्रेस नेते सचिन सावंत यांनी भाजपवर निशाना साधत या वक्तव्याचा निषेध केला आहे.

“छत्रपती शिवाजी महाराजांनी हिंदूत्वाची व्होट बॅंक तयार केली त्यावर कळस चढविण्याचे काम मोदींनी केले”असे तारे भाजपा प्रदेशाध्यक्ष चंद्रकांत पाटील यांनी तोडले आहेत. शिवरायांचा अवमान करणारी ही भाजपाची छिंदम प्रवृत्ती आहे. व्होट बॅंकेच्या हिन राजकारणाशी शिवरायांचा संबंध जोडता? असा सवाल करणारे ट्वीट सचिन सावंत (Sachin Sawant)यांनी केले आहे.

"छत्रपती शिवाजी महाराजांनी हिंदूत्वाची व्होट बॅंक तयार केली त्यावर कळस चढविण्याचे काम मोदींनी केले" असे तारे भाजपा प्रदेशाध्यक्ष चंद्रकांत पाटील यांनी तोडले आहेत. शिवरायांचा अवमान करणारी ही भाजपाची छिंदम प्रवृत्ती आहे. व्होट बॅंकेच्या हिन राजकारणाशी शिवरायांचा संबंध जोडता? pic.twitter.com/sdTGvp61Mv

— Sachin Sawant सचिन सावंत (@sachin_inc) December 14, 2021

शिवरायांची तुलना मोदींशी आदित्यनाथ व विजय गोयल यांनी केली होतीच. ‘आजके शिवाजी- नरेंद्र मोदी’ पुस्तक भाजपानेच काढले. भाजपा हे जाणिवपूर्वक करत आहे. शिवराय हे सद्विचारांचे प्रतिक आहेत व भाजपा कुविचारांचे, त्यामुळे तुलना पातकच आहे. तात्काळ माफी मागा. जाहीर निषेध. असे ट्वीट सचिन सावंत यांनी केले आहे. वर्षानुवर्ष मेहनत घेऊन विकसित केलेली जी रोपवे आहेत, ती संत-महंता पर्यंत पोहचते. छत्रपती शिवाजी महाराज यांच्यापर्यंत पोहचते. त्यांनीही हिंदुत्वाची व्होट बॅंक तयार केली. त्यात अलीकडच्या काळामध्ये अटलजी, अडवाणी आणि मोदी यांनी कळस चढविला. असे वक्तव्य चंद्रकांत पाटील यांनी केले आहे. यावरूनच त्यांनी मोदी आणि शिवराय यांची तुलना केल्याने आता वाद निर्माण होत आहे.

महत्त्वाच्या बातम्या

• औरंगाबाद विभागातून आज धावल्या ४० बसेस; कर्मचारी संपावर ठाम
• राहुल गांधींची गळाभेट घेत राऊत म्हणाले, ‘आप आये बहार आयी’
• घटस्फोटानंतर १६ वर्षांनी लहान असलेल्या अमृताशी बांधली गाठ; जाणून घ्या कोण आहे ‘तो’
• ‘सचिन वाझे, मुकेश अंबानी अन मुख्यमंत्री’… काय म्हणाले राज ठाकरे..?
• 2 दिवस उशिरा का होईना पवार साहेबांना बड्डे गिफ्ट मिळालं; राणेंचा खोचक टोला