मुंबई: पाडवा मेळाव्यानंतर मनसे अध्यक्ष राज ठाकरे यांची काल (१२ एप्रिल) उत्तर सभा झाली. या सभेत त्यांनी पुन्हा एकदा राष्ट्रवादीचे अध्यक्ष शरद पवार, शिवसेना नेते संजय राऊत तसेच मशिदीवरील भोंगे याबाबत भाष्य केले. शरद पवार नास्तिक असून ते मुस्लीम मत जातील यामुळे कधीही छत्रपती शिवाजी महाराज यांचे नाव घेत नाहीत. असा आरोप राज ठाकरे यांनी केला. आता राष्ट्रवादीचे नेते क्लाईड क्रास्टो यांनी ट्वीट करत राज ठाकरेंना टोला लगावला आहे.
“कालची मनसेची उत्तर सभा ऐकल्यानंतर ‘अंधा कानून’ चित्रपटाचे गाणं आठवलं, फरक फक्त एका शब्दाचा होता, ‘जितनी चाबी भरी ‘भाजपा’ ने, उतना चले खिलौना”, अशी टीका क्लाईड क्रास्टो यांनी केली आहे. मविआ नेत्यांनी मनसेला भाजपची C टीम असल्याचा आरोप करत टीका केली आहे.
राज ठाकरे काय म्हणाले?
राज ठाकरे यांनी राष्ट्रवादीचे अध्यक्ष शरद पवार यांच्यावर निशाणा साधत म्हटले की, “महाराष्ट्रात जातीचं राजकारण पवारांनी सुरु केलं. ते फक्त शाहू फुले आंबेडकर याचं नाव घेतात पण, शिवाजी महराजांचं नाव घेत नाहीत. कारण शिवाजी महाराजांचं नाव घेतल्यावर मुसलमान मते मिळणार कशी? शरद पवार हे नास्तिक असून त्यांना देवधर्माशी काही देणं घेणं.”
महत्वाच्या बातम्या:
मोठी बातमी! धनंजय मुंडेंना ह्रदयविकाराचा झटका, ब्रीच कँडी रूग्णालयात दाखल
“अशा लोकांना आमचे आजोबा लवंडे म्हणायचे”; राज ठाकरेंचा संजय राऊतांवर घणाघात
शरद पवार छत्रपती शिवाजी महाराजांचं नाव घेत नाहीत – राज ठाकरे
