कोरोनाविरोधातील लढाईत चीनचा भारताला मदतीचा प्रस्ताव

🕒 1 min read

नवी दिल्ली : देशात कोरोनाचे संकट गंभीर बनले आहे. दिवसेंदिवस कोरोना रुग्णांची संख्या झपाट्याने वाढत आहे. शनिवारी देशात जवळपास साडेतीन लाख कोरोना रुग्ण आढळून आलते. गेल्या सलग चार दिवसांपासून कोरोना रुग्णांची संख्या ३ लाखांच्या पुढे आढळून येत आहे. देशात आरोग्यसेवा कमी पडू लागल्या आहे, ऑक्सिजन अभावी रुग्णांचा मृत्यू होत आहे.

कोरोनाच्या दुसऱ्या लाटेच्या थैमानामुळे झालेल्या विध्वंसानंतर आता अनेक देश भारताच्या मदतीसाठी पुढे सरसावले आहेत. आंतरराष्ट्रीय पातळीवरुन भारताकडे मदतीचा ओघ सुरु झाला असतानाच आता चीन ने भारताला मदतीचा प्रस्ताव पाठवला आहे. चीनचे राष्ट्राध्यक्ष शी. जिनपिंग यांनी पंतप्रधान नरेंद्र मोदी यांना संदेश पाठवत मदतीचा प्रस्ताव दिला आहे. भारतातील चीनचे राजदूत सुन वेईदोंग यांनी ट्वीट करत याबाबत माहिती दिली.

President Xi says, "I am very concerned about the recent situation of COVID-19 pandemic in India. On behalf of the Chinese Government and people, as well as in my own name, I would like to express sincere sympathies to the Indian Government and people."

— Xu Feihong (@China_Amb_India) April 30, 2021

चीन भारताबरोबर महासाथीच्या विरोधात सहकार्य मजबूत करण्यास आणि देशाला पाठबळ व सहकार्य देण्यासाठी तयार असल्याचं जिनपिंग यांनी आपल्या संदेशात म्हटलं आहे. कोरोनाच्या महासाथीविरोधात लढण्यासाठी चीन भारताला हवी ती मदत करण्यास तयार आहे. तसंच चीनमध्ये तयार करण्यात आलेली महासाथीच्या विरोधातील सामग्री जलदगतीनं भारताला पोहोचवली जात आहे, असं चीनचे परराष्ट्र मंत्री वांग यांनी गुरुवारी सांगितले होते.

"The Chinese side stands ready to strengthen cooperation with the Indian side in fighting the pandemic and provide support and help in this regard. I believe that under the leadership of the Indian Government, the Indian people will surely prevail over the pandemic."

— Xu Feihong (@China_Amb_India) April 30, 2021

चीनचे राजदूत सुन वेईदोंग यांनी ट्वीट करून मदतीचा हात पुढे केला आहे. ‘कोरोना विषाणू हा मानवाचा शत्रू आहे आणि आंतरराष्ट्रीय समुदायाला एकत्क होऊन याचा सामना करण्याची गरज आहे. चीन भारत सरकार आणि तेथील नागरिकांचं महासाथीच्या लढाईत सोबत आहे,’ अशा आशयाचे ट्वीट त्यांनी केले आहे तर ‘भारत ज्या आव्हानांचा सामना करत आहे त्याप्रती चीन संवेदना व्यक्त करतो आणि त्याबद्दल सहानुभूतीही आहे,’ असं वांग यांनी भारताचे परराष्ट्र मंत्री एस. जयशंकर यांना लिहिलेल्या पत्रात म्हटलं आहे.

महत्वाच्या बातम्या

• क्लीन बोल्ड करणाऱ्या नवोदीत हरप्रीत ब्रारला भेटायला गेला कोहली; व्हिडीओ व्हायरल
• महाराष्ट्र दिनी मुंबई इंडियन्स विजयाची पताका फडकवणार का?,आयपीएलमध्ये आज हिटमॅन विरुद्ध चेन्नई एक्सप्रेस
• राज्यात मराठी बाण्याचा मुख्यमंत्री आहे म्हणून दिल्लीचे पातशहा महाराष्ट्राची कोंडी करतायेत
• बलाढ्य आरसीबीचा पंजाब किंग्सकडून ३४ धावांनी दारुण पराभव
• गुजरातमध्ये अग्नितांडव! हॉस्पिटलला आग, १४ जणांचा होरपळून मृत्यू