गुजरातमध्ये अग्नितांडव! हॉस्पिटलला आग, १४ जणांचा होरपळून मृत्यू

सुरत : गुजरातमधील भरुच याठिकाणी असणाऱ्या पटले वेलफेअप हॉस्पिटल मध्ये रात्री १२:३० वाजण्याच्या सुमारास आगीची घटना घडली आहे. याठिकाणी कोव्हिड सेंटर बनवण्यात आलं आहे. आगीच्या घटनेची माहिती मिळताच अग्निशमन दल घटनास्थळी पोहोचलं होतं, त्यांना आगीवर नियंत्रण मिळवण्यात यश आलं असलं तरी या घटनेमध्ये चौदा जणांनी आपले प्राण गमावले आहेत.

गेल्या काही दिवसांपासून महाराष्ट्रामध्ये अशा काही दुर्दैवी घटना घडल्या होत्या. महाराष्ट्रामध्ये भंडारा, भांडुप, नालासोपारा, नागपूर याठिकाणी रुग्णालयांना लागलेल्या आगीच्या घटना ताज्या असतानाच आता गुजरातमधून देखील आगीची घटना समोर येते आहे. भरुच याठिकाणी हे अग्नितांडव घडलं असून यात १४ जणांनी आपले प्राण गमावले आहेत.

Gujarat| Fire breaks out at a COVID-19 care centre in Bharuch. Affected patients are being shifted to nearby hospitals. Details awaited. pic.twitter.com/pq88J0eRXY

— ANI (@ANI) April 30, 2021

मिळालेल्या माहितीनुसार, भरुच जिल्ह्यातील पटेल रुग्णालयातील कोरोनाबाधितांसाठी कोविड केअर सेंटर सुरु करण्यात आले आहे. या कोविड केअर सेंटरमधील आयसीयूमध्ये शॉटसर्किट झाल्याने ही आग लागल्याचे सांगण्यात येत आहे. रात्री१२:३० च्या सुमारास ही दुर्घटना घडली. ही आग इतकी भीषण होती की, संपूर्ण आयसीयू वॉर्ड यात जळून खाक झाला. या आगीच्या दुर्घटनेत आतापर्यंत १४ जणांचा मृत्यू झाला आहे. तर अनेक रुग्ण हे गंभीर जखमी झाले आहे. त्यामुळे या दुर्घटनेतील मृतांचा आकडा वाढण्याची शक्यता वर्तविण्यात येत आहे.

महत्त्वाच्या बातम्या       

• एसडीआरएफ मधून नांदेड जिल्ह्याला ५२ रुग्णवाहिका, कोरोना रुग्णांना होणार मदत
• लॉकडाऊन लावलाय पण हाताला लॉक लावून बसलेलो नाही – मुख्यमंत्री ठाकरे
• पुण्यासाठी पीएम केअर्स फंडातून मिळाले ३० व्हेंटीलेटर्स; महापौर मुरलीधर मोहोळ यांची माहिती
• महाविद्यालयांत लसीकरण केंद्र सुरू करा! अभाविपची मागणी
• Breaking : याहून अधिक कडक लॉकडाऊन करण्याची गरज नाही – मुख्यमंत्री उद्धव ठाकरे