Chandrashekhar Bawankule | मुंबई : राष्ट्रवादी (NCP) पक्षाचे नेते तसेच विरोधी पक्षनेते अजित पवार (Ajit Pawar) यांनी राज्यपाल भगतसिंग कोश्यारी (Bhagatsingh Koshyari) यांच्याबाबत गौप्यसोफ्ट केला आहे. याला आता भाजप (BJP) पक्षाचे नेते चंद्रशेखर बावनकुळे (Chandrashekhar Bawankule) यांनी प्रत्युत्तर दिलं आहे. तसेच, अजित पवार खोटबोलत असल्याचा आरोप बावनकुळेंनी केला आहे.
यावेळी, अजित पवार यांनी बोलू नये. त्यांची आणि राज्यपालांची भेट नेमकी कधी झाली. हे त्यांनी आधी सांगावं. राज्यपालांबाबत असं खोटं बोलणं योग्य नाही. अजित पवार हे चुकीच्या पद्धतीने बोलत आहेत. ते विरोधी पक्षनेते आहेत. अशा प्रकारे बोलून ते स्वत:ची उंची कमी करून घेत आहेत. त्यांनी उंचीचा विचार करून आणि भान ठेवून बोलले पाहिजे, असा घणाघात चंद्रशेखर बावनकुळे यांनी केला आहे.
दरम्यान, राज्यपाल हे संविधानिक पद आहे. त्यांनी शिवरायांबाबत केलेले विधान योग्य नाही. हे सर्वांनी मान्य केले आहे. त्यांच्या विधानाचे कोणीही समर्थन करत नाही. मात्र, गेल्या १५ दिवसांपासून ज्याप्रकारे त्यांच्याबाबत बोलण्यात तेही बरोबर नाही, असं देखील बावनकुळे म्हणाले.
दरम्यान, राज्यपाल महाराष्ट्रात आल्यानंतर त्यांनी छत्रपती शिवाजी महाराजांची प्रेरणा घेऊनच काम सुरू केलं होते, हे त्यांनी अनेकदा त्यांच्या वागण्यातून दाखवून दिले आहे. स्वत: ते शिवनेरी गडावर जाऊन आले, त्यांनी अनेकदा शिवजयंतीच्या कार्यक्रमात भाग घेतला. त्यामुळे एका विधानावरून त्यांच्या वयावर त्यांच्या, वृद्धावस्थेवर बोलण्यात आलं, हे योग्य नाही. यापुढे कोणीही अशा प्रकार बोलू नये, असं चंद्रशेखर बावनकुळे यांनी म्हटलं आहे.
महत्वाच्या बातम्या :
- Sanjay Raut | संजय राऊतांच्या अडचणी वाढणार! कोर्टाने बजावलं समन्स, हजर न राहिल्यास होणार अटक
- Baba Ramdev | “…तर दिलगिरी व्यक्त करतो”; महिलांबाबत केलेल्या वक्तव्यावर बाबा रामदेव यांची माफी
- Chhagan Bhujbal | “देवी सरस्वतीने किती शाळा काढल्या? किती लोकांना त्यांनी…”, छगन भुजबळांचं पुन्हा वादग्रस्त विधान
- Udayanraje Bhosale | “महापुरुषांचा अवमानही देशद्रोहच ठरवा”; कायद्यात तरतूद करण्याची उदयनराजे भोसले यांची मागणी
- Udayanraje Bhosale | “मेलो असतो तर बरं झालं असतं…”, भर सभेत उदयनराजे भोसले यांना अश्रू अनावर
