जळगाव : राज्याचे अन्न, नागरी पुरवठा व ग्राहक संरक्षण मंत्री छगन भुजबळ आज जळगावमध्ये आहेत. जळगावात ओबीसी आरक्षण हक्क परिषद पार पडली. याप्रसंगी मार्गदर्शन करताना भुजबळ यांना मोदी सरकारवर टीकास्त्रांचा वर्षाव केला आहे. तसेच, भिती वाटत असेल, तर भाजपामध्ये जावं, असा उपरोधिक सल्ला देखील त्यांनी उपस्थितांना दिला आहे.
यावेळी बोलताना भुजबळ म्हणाले की,’इथे सगळे जण अनेक मुद्द्यांवर जोरजोरात बोलले. चर्चा केली. पण सावध राहा बाबा. उद्या इन्कम टॅक्स घरी नाही आला म्हणजे झालं. जो जो या कामात येईल, त्याला बरोबर उस चरख्यात टाकून रस काढला जातो, तसं काढायचं काम असतं हे. आता सध्या खडसे साहेबांच्या पाठिमागे ते लागले आहेत’ असेही भुजबळ म्हणाले.
दरम्यान, आपल्या बोलण्यामुळे जे घाबरले असतील, त्यांनी भाजपात जावं, असा खोचक सल्ला देखील त्यांनी दिला आहे. तसेच ‘हे सगळे असे होत असल्यामुळे त्यांच्या विरुद्ध आपण जेव्हा एखादी भूमिका मांडतो, तेव्हा सावध राहा सगळे. जे घाबरले असतील, त्यांनी ताबडतोब भाजपामध्ये जायचं. मग तुम्हाला सगळे माफ. खरं तेच सांगतोय’ असेही ते म्हणाले.
महत्त्वाच्या बातम्या
- कंपनीने असमर्थता दर्शविल्यामुळे परीक्षा रद्द करण्याची नामुष्की ओढावली – टोपे
- बहुजन समाजातील मुलांनी यांच्या सतरंज्याच उचल्याव्यात ही मानसिकता या सरकारची आहे – पडळकर
- ‘खुद तो डूबे हैं सनम, तुमको भी ले डूबेंगे’; सनरायझर्स हैदराबाद समोर टिकणार का पंजाब किंग्स?
- भारतीय हवाई दलाची ताकत वाढणार, 56 विमानांच्या खरेदी करण्याकरिता स्पेनच्या कंपनीसोबत करार
- काँग्रेसला देशात पुन्हा एकदा सोनियाचे दिवस येतील – बाळासाहेब थोरात
बातम्यांसाठी YouTube चॅनेल Subscribe करा
Subscribe Now
