नवी दिल्ली : भारतात दिल्या जाणाऱ्या कोव्हिशिल्ड लसीला मान्यता न देण्याचा निर्णय ब्रिटन सरकारनं घेतला होता. याला भारत सरकारनं आक्षेप घेत नाराजी व्यक्त केली होती. परंतु आता भारताच्या वाढत्या दबावानंतर, ब्रिटनने अखेर भारतात बनवलेली कोरोना लस कोव्हिशिल्डला परवानगी दिली आहे.
यूकेने आपला निर्णय बदलून नवीन प्रवास नियमावली जारी केली आहे. भारताच्या नाराजीच्या पार्श्वभूमीवर ब्रिटनने हा निर्णय घेतला. आता ज्यांनी भारताच्या कोव्हिशिल्ड लसीचे दोन्ही डोस घेतले आहेत त्यांना ब्रिटनमध्ये प्रवेश दिला जाणार आहे. मात्र ब्रिटनने कोव्हिशील्ड लसीच्या प्रमाणपत्राला मंजुरी दिलेली नाही. त्यामुळे लस घेतल्याचा पुरावा काय दाखवायचा हा प्रश्न तर आहेच, शिवाय परवानगी देऊनही प्रमाणपत्राला मंजुरी नसल्याने क्वारंटाईनचे जुने नियमच पाळावे लागण्याची चिन्हं आहेत.
दरम्यान कोरोनाविरोधातील लसीकरणाला सुरुवात झाल्यानंतर भारताने जगातील काही देशांना लसींचा पुरवठा केला होता. मात्र देशात कोरोनाच्या दुसऱ्या लाटेने थैमान घातल्यानंतर बाहेरील देशांना होणारा लसींचा पुरवठा थांबवण्यात आला होता. परंतु आता पुढील महिन्यापासून भारत पुन्हा एकदा संपूर्ण जगाला कोरोनाविरोधातील लसींचा पुरवठा करणार आहे. केंद्रीय आरोग्यमंत्री मनसुख मांडविया यांनी ही घोषणा केली आहे.
महत्वाच्या बातम्या
- ‘खतरों के खिलाडी ११’ च्या फायनल शूटिंगनंतर अभिनेता राहुल,दिशा निघाले हनीमुनला
- ‘५६ आमदार असलेले मुख्यमंत्री होऊ शकतात, तर मग ११९ वाले राज्यसभेत का जाणार नाहीत?’
- राज्यसभा पोटनिवडणुकीसाठी संजय उपाध्याय यांचा उमेदवारी अर्ज दाखल
- ‘लायकीनुसार नुकसानीची किंमत ठरते मग राऊतांची किंमत सव्वा रुपया’; निलेश राणेंची टीका
- ‘संजय राऊत चंद्रकांत पाटलांवर ठोकणार सव्वा रुपयांचा अब्रूनुकसानीचा दावा’
बातम्यांसाठी YouTube चॅनेल Subscribe करा
Subscribe Now
