श्रीनगर – दहशतवाद्यांना आर्थिक रसद (टेरर फंडिंग) पुरवली जात असल्याच्या संशयावरून राष्ट्रीय तपास यंत्रणे (एनआयए)ने आज जम्मू-कश्मीरच्या अनंतनागसह पाच ठिकाणी छापे टाकले आहेत. यामध्ये एका 36 वर्षीय महिलेसह पाच जणांना अटक केली आहे. कश्मीर खोऱ्यातील दहशतवाद्यांना आयएसआयएसकडून फंडिंग होत आहे का याचाही ‘एनआयए’ शोध घेत आहे.
अनंतनाग येथे चार ठिकाणी तर श्रीनगर येथे एका ठिकाणी ‘एनआयए’ने स्थानिक पोलीस आणि सीआरपीएफ जवानांच्या मदतीने छापे टाकले आहेत. दरम्यान, अटक केलेल्या महिलेकडून चायनीज ग्रेनेड आणि 48 हजार रुपयांची रोख रक्कम ताब्यात घेतली आहे. तसेच हाका बाजार येथील रहिवासी असलेल्या अदनान अहमद नदवी या व्यक्तीला अटक करून लॅपटॉप आणि काही कागदपत्रे हस्तगत केली आहेत.
दरम्यान, जम्मू-कश्मीर प्रशासनाने शनिवारी सुरक्षा दलाच्या हालचालींची माहिती दहशतवाद्यांना पुरवल्याच्या व आर्थिक मदत केल्याच्या आरोपाखाली 11 सरकारी कर्मचाऱ्यांना कामावरून काढून टाकले आहे. कुख्यात दहशतवादी सय्यद सलाउद्दीन याच्या दोन मुलांना या प्रकरणात चौकशीसाठी ताब्यात घेण्यात आल्याचे वृत्त आहे.
महत्त्वाच्या बातम्या
- वेब सिरीजनंतर क्रीडाविश्वात ‘समांतर’ची पुनरावृत्ती! सचिन-मेसीची सारखीच कहाणी
- ‘शाळा अद्याप सुरू करू नयेत, कारण…’ ; आरोग्यमंत्री राजेश टोपेंची भूमिका
- महाराष्ट्रात आज कोरोनाचे ८ हजार ५३५ नवे रुग्ण तर ‘इतके’ रुग्ण कोरोनामुक्त
- ‘नागरिकांनी ‘या’ अफवांवर विश्वास ठेवू नये’, मंत्री अशोक चव्हाण यांचे आवाहन
- ‘…तर खांद्याला खांदा लावून काम करु’; नितेश राणेंच्या भाषणानंतर शिवसेना नेत्याने थोपटली पाठ
