भाजपची भूमिका आगीत तेल टाकून आग वाढवण्याची- शरद पवार

नागपूर : नागपुरात एका कार्यक्रमात बोलत असतांना राष्ट्रवादीचे सर्वेसर्वा शरद पवार यांनी राज्यातील वाढत्या हिंसाचाराच्या घटनेंप्रकरणी भाजपवर निशाणा साधत टीकास्त्रांचा वर्षाव केला आहे.

यावेळी बोलत असतांना सध्या सांप्रदायिक विचार, जातीयवाद्यांना खतपाणी घालण्याचा प्रयत्न होतोय. जातीवादी विचार माणसामाणासात द्वेष निर्माण करत आहे. हा विचार राबवणाऱ्या शक्तिंना खड्यासारखं बाजूला ठेवणं आपलं कर्तव्य आहे. आदिवासी अशा शक्तींना कधीही बळी पडत नाही, असे ते म्हणाले. तसेच पुढे त्रिपुरातील घटनेचे अमरावतीत पडसाद का उमटले? असा प्रश्न विचारण्यात आला असता ते म्हणाले की,’भाजपची भूमिका आगीत तेल टाकून आग वाढवण्याची आहे.’

दरम्यान, पुढे ते म्हणाले की,’पंतप्रधान नरेंद्र मोदी यांनी आदिवासी संमेलनात वनवासी हा शब्द वापरला. त्यांच्या भाषणात आदिवासी हा शब्दच नव्हता. पण आदिवासी समाजाला वनवासी शब्द मान्य नाही, असा टोला त्यांनी मोदींना लगावला. आदिवासी हा जंगलाचं रक्षण करण्याचं काम करतोय. जल, जमीन, जंगलाचं रक्षण आदिवासी करत आहे. त्यामुळे आदिवासींकडे बघण्याचा दृष्टीकोण बदलला पाहिजे’, असेही ते म्हणाले.

महत्वाच्या बातम्या

• देशमुखांना जेलमध्ये टाकल्याची भाजपाला किंमत चुकवावी लागेल- शरद पवार
• गिरगाव न्यायालयाने बजावलेले समन्स रद्द करा- राहुल गांधी
• क्रांती रेडकरने शेअर केले समीर वानखेडेंचे जन्म प्रमाणपत्र
• ‘त्याला माझ्या कमतरता माहीत आहेत’, रोहितने केले न्यूझीलंडच्या ‘या’ खेळाडूचे कौतुक
• वानखेडेप्रकरणी नवाब मलिक यांचा उच्च न्यायालयात अर्ज दाखल