सोलापूर : सोलापूर शहरातील गटबाजीला कंटाळून भाजपचे शहराध्यक्ष प्रा.अशोक निंबर्गी यांनी राजीनामा दिला आहे. जानेवारी २०१६ मध्ये प्रा. अशोक निंबर्गी यांची शहराध्यक्षपदी निवड करण्यात आली होती. मुदत संपल्याचे कारण दिला असला तरीही गटबाजीला कंटाळून निंबर्गी यांनी राजीनामा दिल्याची माहिती सूत्रांनी दिली आहे.
लोकसभा निवडणुकीत भाजपला यश मिळाले. निवडणूक निकालाला एक महिना होत नाही तोच प्रा. अशोक निंबर्गी यांनी राजीनामा दिला आहे. विधानसभा निवडणूक तोंडावर आहे. त्यापूर्वीच प्रा. निंबर्गी यांनी राजीनामा दिल्याने सहकारमंत्री गटात खळबळ उडाली आहे.
दरम्यान,सूत्रांनी दिलेल्या माहितीनुसार, प्रा. अशोक निंबर्गी यांनी दहा जून रोजी प्रदेशाध्यक्ष रावसाहेब दानवे यांच्याकडे राजीनामा सुपूर्द केला आहे. दानवे यांनी राजीनामा स्वीकारलेला नाही. मात्र यावर लवकरच निर्णय होण्याची शक्यता वर्तविली जात आहे.
बातम्यांसाठी YouTube चॅनेल Subscribe करा
Subscribe Now
