परभणी : भारतीय जनता पक्षाचे नेते आणि महाविकास आघाडी यांच्यातील वाद वाढत आहे. केंद्रीय मंत्री नारायण राणे यांचे वक्तव्य आणि त्या नंतर त्यांना पोलीसांनी अटक केल्याने दोन्ही पक्षाच्या कार्यकर्त्यांमध्ये नाराजी पसरली आहे. त्यात आता भाजप युवा मोर्चाचे परभणीचे जिल्हाध्यक्ष सुरेश भुमरे यांच्या गाडीवर हल्ला झालाय. या हल्ल्यातील दोषींवर तत्काळ कारवाई करण्याची मागणी भाजपच्या वतीने करण्यात आलीय. या प्रकरणाची तक्रार पूर्णा पोलीस ठाण्यात करण्यात आली आहे.
या संदर्भात युवा मोर्चाचे प्रदेश सरचिटणीस राहुल लोणीकर यांनी सोशल मीडियाच्या माध्यमातून या घटनेचा निषेध नोंदवला आहे. ते म्हणाले की, ‘जाहिर निषेध…! नांदेड हून परभणीला येत असताना कात्नेश्वर जवळ भाजपा युवा मोर्चाचे परभणी जिल्हाध्यक्ष श्री सुरेशजी भुमरे यांच्या गाडीवर झालेल्या भ्यांड हल्ल्याचा भाजप युवा मोर्चा निषेध करते. दोषीवर तांत्काळ गुन्हा दाखल करुन कारवाई झालीच पाहिजे..!’
जाहिर निषेध…!
नांदेड हून परभणीला येत असताना कात्नेश्वर जवळ भाजपा युवा मोर्चाचे परभणी जिल्हाध्यक्ष श्री सुरेशजी भुमरे यांच्या गाडीवर झालेल्या भ्यांड हल्ल्याचा @BJYM4MH आम्ही निषेध करतो.दोषीवर तांत्काळ गुन्हा दाखल करुन कारवाई झालीच पाहिजे..!@Parbhani_Police @BJP4Parbhani pic.twitter.com/RgOWfjM4H3— Rahul Lonikar (@lonikar_rahul) August 29, 2021
हा हल्ला नेमका कोणी केला या बाबत अद्याप सविस्तर माहिती मिळालेली नाही. मात्र, नुकताच नाशिकच्या भाजप कार्यालयावर हल्ला झाला होता. त्या नंतर आता भाजप जिल्हाध्यक्षांच्या गाडीवर हल्ला झाला आहे. त्यामुळे राज्यात कायदा आणि सुव्यवस्थेचा प्रश्न निर्माण झाला आहे.
महत्त्वाच्या बातम्या
- ‘सण साजरे करताना काळजी घ्या अन्यथा पुन्हा लॉकडाउन’ ; अजितदादांचा इशारा
- ओबीसी आरक्षणविषयक सर्वपक्षीय बैठकीला न बोलावल्याने रामदास आठवले नाराज
- दहीहंडी आणि गणेशोत्सवात कोरोना रोखण्यासाठी निर्बंध लावा ; केंद्राची महाराष्ट्राला सूचना
- जर बाळासाहेब ठाकरे दर्शन घेण्याएवढे थोर आहेत, मग त्यांच्याच संपत्तीच्या चौकशीची मागणी का?- केसरकर
- १०० कोटींच्या वसुली प्रकरणात अनिल देशमुख निर्दोष? सीबीआयने केला खुलासा
