माजी मंत्री संजय कुटे यांच्या गाडीवर दगडफेक, बुलढाण्यात तणाव वाढला

बुलढाणा – शिवसेना आमदार संजय गायकवाड यांनी पंतप्रधान आणि राज्याचे माजी मुखमंत्री देवेंद्र फडणवीस यांच्या बाबत केलेल्या टिकेनंतर माजी आमदार विजयराज शिंदे आणि त्यांचे कार्यकर्ते निषेध नोंदवित असताना त्यांच्यावर झालेल्या प्राणघातक हल्लाप्रकरणी शिवसेना  पदाधिकाऱ्यांवर आणि कोविड प्रतिबंध नियम उल्लघन करत आंदोलन केल्याबद्दल भाजपा पदाधिकाऱ्यांवर  बुलडाणा शहर पोलीस स्थानकात गुन्हे दाखल करण्यात आले आहेत.

दरम्यान काल भाजपा आमदार डॉ.संजय कुटे हे परिस्थितीचा आढावा घेण्यासाठी आले असता बुलडाणा येथून परत जात असताना त्यांच्या गाडीवर शिवसैनिकांनी दगडफेक करून काचा फोडल्या.

ही दगडफेक शिवसेनेच्या कार्यकर्त्यांनी केली असून त्यांना अटक झाल्याशिवाय येथून हलणार नाही, असा पवित्रा संजय कुटे आणि इतर भाजप नेत्यांनी बुलडाण्यातील पोलिस अधीक्षक कार्यालयात घेतला. त्यानंतर पोलिसांनी काही कार्यकर्त्यांना ताब्यात घेतले.

राज्यात गुंडगिरी वाढली आहे याचं एक उदाहरण म्हणजे भाजपा आमदार डॉ. संजय कुटे यांच्यावर झालेला भ्याड हल्ला. शिवसेनेचे संजय गायकवाड यांच्या गुंडांनी डॉ. कुटे यांच्या गाडीवर केलेल्या हल्ल्याचा भाजपा महाराष्ट्र जाहीर निषेध करते. @OfficeofUT यांनी चौकशी करून दोषींवर कठोर कारवाई करावी. pic.twitter.com/8NT3vSpTQl

— भाजपा महाराष्ट्र (@BJP4Maharashtra) April 19, 2021

आमदारांवरच्या कारवाई बाबत वरिष्ठांचा सल्ला घेऊन निर्णय घेण्यात येईल असं आश्वासन पोलिस अधीक्षक अरविंद चावरीया यांनी दिले. त्यानंतर सर्व भाजप नेते कार्यालयाबाहेर पडले. यावेळी जिल्हा पोलीस अधीक्षक कार्यलयाच्या बाहेर पदाधिकारी सह कार्यकर्त्यांची मोठी गर्दी जमली होती.

महत्त्वाच्या बातम्या

• सर्व धार्मिक स्थळांच्या हॉलचे रूपांतर रुग्णालयात करण्याची मागणी
• …म्हणून अजित पवार नाराज, आजच्या मंत्रिमंडळ बैठकीत मांडणार भूमिका ?
• ‘ऑक्सिजन एक्सप्रेस’मुळे जाग्या झाल्या ‘वॉटर एक्सप्रेस’च्या आठवणी
• देशात १ मे पासून १८ वर्षांवरील नागरिकांना मिळणार लस
• …आणि लेक वामिकाला आपल्या छातीशी घट्ट धरलं; पहा आई आणि लेकीचा क्युट व्हिडीओ