अहमदनगर : महाविकास आघाडीच्या नेत्यांवर सुरू असलेल्या ईडीच्या कारवाईवरून राष्ट्रवादीचे प्रदेशाध्यक्ष आणि जलसंपदा मंत्री जयंत पाटील यांनी भारतीय जनता पक्षावर टीका केली आहे. राष्ट्रवादी परिवार संवाद यात्रेसाठी प्रदेशाध्यक्ष जयंत पाटील अहमदनगर येथे आले होते. यावेळी त्यांनी पत्रकार परिषद घेऊन माध्यमांशी संवाद साधला.
ते म्हणाले, ‘महाविकास आघाडीच्या मंत्रिमंडळाला बदनाम करण्यासाठी ईडी, सीबीआय व आयटी यंत्रणांना हाताशी धरून भाजप कारवाई करण्यास सांगत आहे. याचवेळी भाजपमध्ये प्रवेश केलेल्या नेत्यांच्या गैरकारभाराकडे सोयीस्कर दुर्लक्ष केले जात आहे. असे असेल तर आम्हीही अशा नेत्यांच्या आणि त्यांच्या गुन्ह्यांची माहिती देऊ, त्यांच्यावर या यंत्रणांनी कारवाई करून दाखवावी,’ असे आव्हान जयंत पाटील यांनी दिले.
ग्रामविकास मंत्री हसन मुश्रीफ यांनी काहीही चुकीचे केले नाही. पण त्यांना खोट्या गुन्ह्यात गोवण्याचे काम सुरुये. असेच इतर मंत्र्यांच्याबाबतही घडत आहे. जे खरे मनी लॉण्ड्रींग करीत आहेत, त्यांना सोडून देण्यात येत आहे. आणि जे करत नाहीत, त्यांना या प्रकरणात जाणीवपूर्वक गोवले जात आहे. अशा प्रकरणात ज्यांच्यावर गुन्हे दाखल आहेत, मात्र ते भाजपात गेले आहेत, त्यांचे काय झाले? राज्यात असे अनेक लोक आहेत, जे सध्या भाजपत आहेत. ज्यांना ईडीने नोटिसा दिलेल्या आहेत. त्यांच्या चौकशीचे काय झाले? असा प्रश्न पाटील यांनी विचारला आहे.
महत्त्वाच्या बातम्या
- ‘महिलांवर हात टाकल्यांनतर फरार आरोपींना पकडणार आहात का?’, चित्रा वाघ यांचा पोलिसांना सवाल
- ‘रस्ते कंत्राटदारांवर कारवाईची हिंमत मुख्यमंत्री ठाकरे यांच्यात आहे का?’ नितेश राणेंचा सवाल
- राज्यभरात रस्त्यावर खड्ड्यांची समस्या, मुख्यमंत्री ठाकरेंनी बोलावली तातडीची बैठक
- ‘कन्हैया कुमारचा काँग्रेस प्रवेश म्हणजे गटारातून नाल्यात पडणे’, भाजपची टीका
- ईडीची पिडा! रुग्णालयातून डिस्चार्ज मिळाल्यावर ईडी आनंदराव अडसूळांची चौकशी करणार
