मुंबई : माजी गृहमंत्री अनिल देशमुख यांच्यावर गंभीर आरोप करणारे मुंबईचे माजी पोलीस आयुक्त परमबीर सिंग हे सध्या बेपत्ता असल्याची माहिती समोर आली आहे. गेल्या काही दिवसांपासून परमबीर सिंग यांच्याशी संपर्क होत नसून, तपास यंत्रणा त्यांचा शोध घेत आहेत. त्यातच आता राज्याचे गृहमंत्री दिलीप वळसे पाटील यांनी देखील परमबीर सिंग हे विदेशात पळून गेले असतील तर ते गंभीर असल्याचं सांगितलं आहे.
केंद्रीय गृह मंत्रालयाच्या मदतीने आम्ही परमबीर यांना शोधत आहोत, अशी माहिती गृहमंत्री दिलीप वळसे पाटील यांनी दिली आहे. तपास यंत्रणांना आता असा संशय आहे की, परमबीर सिंग युरोप देशांत गेले आहेत. ‘परमबीर सिंग हे एक सरकारी अधिकारी असल्यामुळे देशाबाहेर जायच्या आधी सरकारची परवानगी घेणे बंधनकारक आहे. गृहमंत्रालयाच्या मदतीने आम्ही त्यांचा शोध घेत आहोत’ असे गृहमंत्र्यांनी यावेळी सांगितले.
ते जर देशाबाहेर गेले असतील तर ही बाब योग्य नाही. मंत्री किंवा अधिकारी कोणीही असेल तर त्यांना परवानगी घेतल्याशिवाय देशाबाहेर जाता येत नाही. त्यांचं इथे असणं गरजेचं आहे, त्यांनी जे प्रश्न उपस्थित केले होते, त्याचा हिशोब करायचा आहे, मात्र आम्ही कोणावरही जाणीवपुर्वक कुणाच्या मागे लागून कारवाई करणार नाही, हा सगळा रुटीन कारवाईचा भाग असल्याचं त्यांनी यावेळी सांगितलं.
त्यांना राज्य सरकारने अनेक वेळा कळवले आहे कोणताही कर्मचारी आजारपणाच्या रजेवर जातो त्यावेळी त्याचं निवास स्थळ आणि ठिकाण हे राज्य सरकारला कळवले गरजेचे आहे. मात्र या केसमध्ये त्यांनी असं काही केलं नाही, त्यामुळे आम्ही आता त्या दृष्टिकोनातून पावले टाकत आहोत अशी माहिती दिलीप वळसे पाटील यांनी दिली.
महत्त्वाच्या बातम्या
- ‘भुजबळ कुणाला धमकी देत नाहीत, तर…’; शिवसेना आमदाराच्या आरोपांवर भुजबळ यांची प्रतिक्रिया
- भाजीपाल्याची विक्री करणाऱ्या भुजबळांकडे २५ वर्षात २५ हजार कोटी कसे आले? आ. कांदेंचा सवाल
- वराती मागून घोडे नाचवून काहीच उपयोग नाही; दरेकरांचा ठाकरे सरकारवर हल्लाबोल
- पूरस्थितीला इसापूर धरण प्राधिकरणाचा हलगर्जीपणा जबाबदार; भाजपचा आरोप
- ‘मुख्यमंत्री किती मिनिटांचा मराठवाडा दौरा करतात हे पाहावे लागेल’, मनसेचा टोला
