मुंबई : मराठवाड्यात गेल्या सात दिवसांपासून पावसाने हाहाकार केला आहे. याच पार्श्वभूमीवर राष्ट्रवादीचे प्रदेशाध्यक्ष व जलसंपदा मंत्री जयंत पाटील यांनी मराठवाड्याचा दौरा केला. दरम्यान, आता महाराष्ट्राचे मुख्यमंत्री उद्धव ठाकरे देखील नुकसानीच्या पाहणीसाठी करण्यासाठी मराठवाड्याचा दौरा करणार आहेत. मराठवाड्यात गेल्या दोन दिवसात झालेल्या अतिवृष्टीमुळं मोठ्या प्रमाणावर नुकसान झालं आहे. या परिस्थितीचा आढावा घेण्यासाठी मुख्यमंत्री या भागाचा दौरा करणार आहेत. मुख्यमंत्री कार्यालयाने तसे कळवले आहे.
मुख्यमंत्र्यांच्या या दौऱ्यावरून मनसेचे नेते संदीप देशपांडे यांनी बोचरी टीका केली आहे. ‘शेतकऱ्यांना सरकार मदत करेल ही अपेक्षा आहे. मनसे अध्यक्ष राज ठाकरेंनी यासाठीच सरकारला पत्र लिहिलं होते. कोकणात अद्यापही मदत मिळालेली नाहीये. तुटपुंजी मदत जाहीर केली. पण तीही पूरग्रस्तांच्या हातात पडली नाही. आता त्वरीत शासनाने ओला दुष्काळ जाहीर करावा आणि प्रत्येकी ५० हजारांची मदत जाहीर करावी, अशी मागणी देशपांडे यांनी केली. तसेच मुख्यमंत्री किती मिनिटांचा दौरा करतात हे पाहावे लागेल, असा टोलाही माध्यमांशी बोलताना संदीप देशपांडे यांनी लगावला आहे.
मागील तीन दोन दिवसांत मराठवाड्यातील १० पैकी ७ जिल्ह्यांत १७० ते १८० मिमी पाऊस झाला आहे. यंदा पावसाळ्यात तब्बल ४३६ नागरिकांचा बळी गेला. त्यात १९६ नागरिक वीज पडून मृत्यू पावले. सप्टेंबर महिन्यात ७१ लोकांचा जीव गेला असून २६ नागरिक जखमी झाले आहेत. तर ९६ मोठ्या जनावरांचा मृत्यू झाला आहे.
महत्त्वाच्या बातम्या
- गंगापूर तालुक्यात पावसाने दाणादाण, नदीकाठच्या गावांना हाय अलर्ट!
- ‘मुख्यमंत्र्यांचे कोकणातील आश्वासन अजून हवेतच आणि आता मराठवाड्यासाठी नव्या वाफा…’
- भारतीय लष्कराच्या गौरवशाली आणि अभिनास्पद कामगिरीचे दर्शन घडवणारे मुंबईत उभे राहणार लष्करी संग्रहालय
- आम्ही बांधावर गेलो तेव्हा सत्ताधारी बांधावर गेले; पंकजा मुंडेंचा सरकारवर निशाणा
- अस्मानी संकट ! अतिवृष्टीने 436 नागरिकांनी जीव गमावला, तर 196 जणांचा वीज पडून मृत्यू
