बीडच्या काँग्रेस नेत्यावर फसवणुकीचा गुन्हा, गायरानात अतिक्रमण भोवले

बीड : गायरानात अतिक्रमण करुन जिनिंग थाटणे काँग्रेसच्या माजी जिल्हा परिषद सदस्य ॲड.सुरेश हात्ते यांच्या अंगलट आले. या प्रकरणी मंडळाधिकाऱ्याच्या तक्रारीवरुन हात्तेंवर गेवराई तालुक्यातील तलवाडा ठाण्यात गुन्हा नोंद झाला. मंडळाधिकारी राजेंद्र माने यांनी याबाबतची फिर्याद दिली आहे.

त्यात म्हटले आहे की, ॲड.सुरेश ज्ञानोबा हात्ते यांनी २००८ ते २७ फेब्रुवारी २०२१ या दरम्यान तलवाडा शिवारातील गट क्र.१२३७ मधील १० हेक्टर ३७ आर क्षेत्रापैकी तीन एकर जमिनीत अतिक्रमण केले. एवढेच नाही तर शेतकरी सहकारी जिनिंग प्रेसिंग या संस्थेची अनधिकृतपणे इमारत उभारली. इमारतीच्या सहन जागेत पाच वजन काटे व संरक्षक भिंत बांधली. या प्रकरणी ॲड. हात्तेंवर गुन्हा नोंद झाला.

ॲड. सुरेश हात्ते यांनी २००८ पासून अतिक्रमण केल्याचे म्हटले आहे. काँग्रेसचे तालुक्याचे नेते म्हणून ते परिचित आहेत. शिवाय ग्रामपंचायतीवर त्यांचा एकहाती अंमल राहिलेला आहे. ते एकवेळा जिल्हा परिषदेचे सदस्यही होते. नुकत्याच झालेल्या ग्रा.पं. निवडणुकीत त्यांच्या वर्चस्वाला धक्का बसला. त्यानंतर लगेचच अतिक्रमण प्रकरणी गुन्हा नोंद झाल्याने ॲड. हात्ते यांच्या अडचणीत वाढ झाल्यात.

महत्त्वाच्या बातम्या 

• बीडच्या सात माजी आमदारांची मुख्यमंत्री सहाय्यता निधीला मदत
• दरवाढीविरोधात ‘शेणाच्या गोवऱ्यावर स्वयंपाक’ आंदोलन
• ‘युवकांनो, स्वच्छ राजकारणासाठी ‘वंचित’मध्ये सक्रिय व्हा’
• महामंडळासाठी मुख्यमंत्र्यांना ‘एक लाख पत्र पाठवा’ आंदोलन
• बीड जिल्ह्यातून राम मंदिरासाठी १ कोटी ४३ लाखांची देणगी