नागपूर : सप्टेंबर महिन्याच्या सुरुवातीपासूनच राज्यात पावसाने चांगली हजेरी लावली. मराठवाड्यासह काही जिल्ह्यांमध्ये अतिवृष्टी झाल्यामुळे शेतकऱ्यांसह सामान्यांचे नुकसान झाले. तर, काही ठिकाणी पुरेसा पाऊस झाल्याने शेतकऱ्यांनी समाधान व्यक्त केले. दरम्यान, मागील काही दिवसांपासून राज्यात पावसाने विश्रांती घेतली होती. यानंतर पुन्हा एकदा पाऊस जोरदार कमबॅक करेल असा अंदाज हवामान खात्याने वर्तवला आहे.
दरम्यान, हवामान विभागाने नागपूरसह विदर्भाच्या काही भागात पुढील दोन दिवस अतिवृष्टीचा इशारा दिला असून पूरस्थिती निर्माण होण्याची शक्यता आहे. नागपूर जिल्ह्यातील धरणं भरली असल्यामुळे पाण्याचा विसर्ग केला जाऊ शकतो. त्यामुळे नद्यांच्या पाणी पातळीत मोठी वाढ होऊन पूर येऊ शकतो. यामुळे नदीकाठच्या गावांना सतर्कतेचा इशारा देण्यात आला आहे.
नागपूर जिल्ह्यातील मध्यम धरण प्रकल्प जवळपास पूर्ण क्षमतेने भरली आहेत. तर, मोठ्या धरण प्रकल्पांमध्ये देखील सरासरी ७५ टक्क्यांहून अधिक पाणीसाठा आहे. भारतीय हवामान खात्याने अतिवृष्टीचा इशारा दिल्यामुळे जिल्हा प्रशासनाकडून खबरदारीचे आवाहन केलं आहे. धरणात क्षेत्रात पडणारा पाऊस आणि आजू-बाजूच्या क्षेत्रातून धरणात येणाऱ्या पाण्याचा आवक्यामुळे पूर परिस्थिती लक्षात घेता, दरवाजे असणाऱ्या मोठ्या धरणाचे वक्र दरवाजे कधीही उघडण्यात येवू शकतात. तर दरवाजे नसणाऱ्या धरणातील पाणीसाठा 100 टक्के पेक्षा जास्त झाल्यावर नदी/ नाल्यातुन पुराचे पाणी वाहणार आहे.
त्यामुळे करीता नदी काठावरील सर्व नागरिकांनी/ शेतकऱ्यांनी शेतात लागणारे यंत्र (अवजारे) तसंच जनावरे यांना सुरक्षित ठिकाणी हलविण्याची तयारी करून ठेवावी. तसेच नदीच्या काठावरील गावातील नागरिकांना आणि नदी पात्रातून आवागमण करणाऱ्या सर्व संबंधितांनी स्वत:ची काळजी बाळगावी, असं आवाहन जिल्हा प्रशासनाकडून करण्यात आलं आहे.
महत्त्वाच्या बातम्या
- किरीट सोमय्यांनी उगाच स्टंटबाजी केली, प्रसिद्धीसाठी अशा वर्तनाची त्यांची सवय आहे – मनीषा कायंदे
- मुख्यमंत्र्यांनी हस्तक्षेप करून किरीट सोमाय्यांवर होत असलेली कारवाई थांबवायला हवी होती – फडणवीस
- ‘बाळासाहेबांचा फोटो काढला तर शिवसेनेची किंमत शून्यापेक्षाही कमी’, मुनगंटीवार यांची टीका
- चंद्रकांत पाटलांकडून मला भाजपात येण्यासाठी ऑफर; हसन मुश्रीफांचा गौप्यस्फोट
- कुटुंबांवर केलेले आरोप बिनबुडाचे, सोमय्यांच्या सीए पदवीवरच मला शंका-हसन मुश्रीफ
