लग्नाचे आमिष दाखवून तरुणीवर अत्याचार

🕒 1 min read

औरंगाबाद : इन्स्टाग्रामवर ओळख झाल्यानंतर लग्नाचे आमिष दाखवून विवाहित जीम चालकाने विवाहितेवर अत्याचार केल्याचा प्रकार उघडकीस आला आहे. विवाहितेने दिलेल्या तक्रारीवरुन जीम चालक कार्तिक राजू लोकल (रा. कडा कार्यालय क्वार्टर, सेव्हन हिल) याच्याविरुध्द जवाहरनगर पोलीस ठाण्यात गुन्हा दाखल करण्यात आला आहे.

एका ३० वर्षीय विवाहितेचे पतीसोबत न्यायालयात घटस्फोटासाठी वाद सुरू आहे. गेल्या २९ मार्च २०२० मध्ये या विवाहितेची कार्तिक लोकल याच्यासोबत इन्स्टाग्रामवर ओळख झाली. या ओळखीतून दोघांचे सूत जुळले. त्यानंतर विवाहित असलेल्या कार्तिक लोकल याने विवाहितेला लग्नाचे आमिष दाखवून १२ मे २०२० पासून २६ जानेवारी २०२१ पर्यंत तिच्यावर वेळोवेळी अत्याचार केला. विवाहिता त्याच्याकडे वारंवार लग्नासाठी मागणी करत होती.

मात्र, कार्तिक लोकल तिला टाळत होता. त्यातच कार्तिक पूर्वीपासून विवाहित असल्याचे विवाहितेला समजले. त्यावरुन दोघांचे २६ जानेवारीला कडाक्याचे भांडण झाले. यावेळी कार्तिक लोकलने तिला शिवीगाळ व मारहाण करुन तिची दुचाकी फोडली. या घटनेनंतर गुरुवारी रात्री विवाहितेने जवाहरनगर पोलीस ठाणे गाठत तक्रार दिली. या प्रकरणाचा पुढील तपास सहायक पोलीस निरीक्षक श्रध्दा वायदंडे या करत आहेत.

महत्वाच्या बातम्या

• शेतकरी आंदोलनात सरकारची डोकेदुखी ठरत असलेल्या ट्विटरवर भारत सरकार बंदी घालणार ?
• पदोन्नतीसाठी देखील आरक्षणाची तरतूद करा; रामदास आठवलेंची राज्यसभेत मागणी
• बागवे व जोशींची नियुक्ती ‘पुणे कॉंग्रेस’ची मरगळ दूर करणार का?
• ‘बाळासाहेबांच्या स्मारकासाठी महापौर निवास ताब्यात घेऊन स्मारक न करणं याला टाइमपास म्हणतात’
• एका वर्षात स्मार्ट सिटीने ४३८ कोटीचे प्रकल्प पूर्ण केले- प्रशासक पांडेय