नवी दिल्ली : आखाडा परिषदेचे अध्यक्ष महंत नरेंद्र गिरी यांचा मृतदेह संदिग्ध अवस्थेत सापडला होता. महंत नरेंद्र गिरी यांच्या अल्लापूर या येथील बाघंबरी या ठिकाणच्या निवासस्थानी हा मृतदेह सापडला असून पंख्याला लटकून त्यांनी आत्महत्या केल्याचे सांगण्यात येतंय. त्या ठिकाणी सापडलेल्या सुसाईड नोटवरुन पोलिसांनी महंत नरेंद्र गिरी यांचा शिष्य आनंद गिरी याला अटक केली आहे.
या घडामोडीनंतर काँग्रेसने महंत यांचा खून झाल्याचा आरोप केला आहे. ‘महंत नरेंद्र गिरी यांची हत्या झाली असून, काही केंद्रीय नेत्यांच्या सांगण्यावरुनच ही हत्या झाली आहे’ असा आरोप मध्यप्रदेशचे माजी मंत्री सज्जन वर्मा यांनी आरोप केला आहे. तसेच आम आदमी पार्टी आणि शिवसेनेनेही त्यांच्या मृत्यूची चौकशी व्हावी अशी मागणी केली आहे. या घटनेचा तपास सीबीआय मार्फत व्हावा आणि निष्पक्ष चौकशी व्हावी अशी मागणी अखिल भारतीय आखाडा परिषदेचे उपाध्यक्ष देवेंद्र सिंह यांनी केली आहे.
दरम्यान, महंत नरेंद्र गिरी यांच्या आत्महत्या प्रकरणाचे विविध पैलू आता सर्वांसमोर येत आहेत. आत्महत्येपूर्वी महंत नरेंद्र गिरी यांनी एक स्थानिक भाजपा नेते अनुराग संत यांच्याशी फोनवरुन संवाद साधला होता. त्याशिवाय अन्य एका भाजपा नेते संदीप तिवारी यांच्याशीही बोलणं झालं होतं. अनुराग संत आणि संदीप तिवारी दोघंही महंतांच्या निकटवर्तीय होते अशी माहिती पोलीस सूत्रांनी दिली आहे.
महत्वाच्या बातम्या
- अनंत गीतेंनी पवारसाहेबांच्या पायाला हात लावत केलेल्या आघाडीबद्दल आभार मानले होते; तटकरेंचा गौप्यस्फोट
- दानवेंना मी या आठवड्यात दोनदा भेटलो, असेच भेटत राहिलो तर…; देसाईंच्या विधानामुळे चर्चांना उधाण
- मुख्यमंत्र्यांनी पत्रकार परिषदेत एखाद्या मंत्र्यांचा राजीनामा वाचण्याची ती पहिलीच वेळ असेल – राठोड
- ‘सुप्रिया ताई, सोमय्यांचे लक्ष सध्या बेनामी संपत्तीवर; वांग्याच्या शेतीकडे वळाले तर तुमचे अवघड होईल’
- …अन् संजय राऊत तडक म्हणाले, ‘किरीट सोमय्यांना आम्ही ओळखत नाही’
बातम्यांसाठी YouTube चॅनेल Subscribe करा
Subscribe Now
