जोधपूर – देशभरात सध्या कोरोनाचा कहर पाहायला मिळत असून आता या विषाणूच्या विळख्यात आसाराम बापू देखील अडकला आहे. राजस्थानमधील जोधपूरच्या मध्यवर्ती कारागृहात तुरुंगवास भोगत असलेल्या आसाराम बापूला बुधवारी रात्री प्रकृती बिघडल्यामुळे महात्मा गांधी रुग्णालयात दाखल करण्यात आले आहे.
तीन दिवसांपूर्वी आसाराम बापूला कोरोनाची लागण झाल्याचे स्पष्ट झाल्यानंतर अचानक त्याची तब्येत बिघडली असल्याचे समोर आले आहे. दरम्यान सध्या जेल प्रशासनाने पुढील उपचारासाठी महात्मा गांधी रुग्णालयात दाखल केले आहे. कोरोना संसर्गामुळे आसाराम बापूची ऑक्सिजन पातळी कमी झाल्यामुळे त्याला रुग्णालयात आयसीयूमध्ये दाखल केले आहे.
गेल्या काही दिवसांपासून आसाराम बापूंना कोरोनाची सौम्य लक्षणं दिसत होती. सोमवारी 3 मे रोजी आसारामची कोरोना चाचणी करण्यात आली. त्यानंतर बुधवारी 5 मे रोजी त्यांचा कोरोनाचा रिपोर्ट पॉझिटिव्ह आला. यानंतर त्याची प्रकृती आणखीनच बिघडली. त्यांना महात्मा गांधी रुग्णालयात दाखल करण्यात आलं होतं. रुग्णालयातील डॉक्टरांनी त्यांची प्राथमिक तपासणी करुन त्यांना आयसीयूमध्ये दाखल केलं आहे.
दरम्यान, अल्पवयीन मुलीवर बलात्कार केल्याच्या आरोपाखाली आसाराम बापू जोधपूर तुरूंगात शिक्षा भोगत आहेत. ऑगस्ट 2013 मध्ये आसारामने जोधपूरजवळील मनाई भागात एका अल्पवयीन मुलीला आपल्या वासनेचे बळी बनविले होते.
महत्वाच्या बातम्या
- मोठी बातमी : राष्ट्रीय लोकदलाचे अध्यक्ष चौधरी अजित सिंह यांचं करोनानं निधन
- घरी पोहोचताच हार्दिक बनला कुक; वहिनी पंखुडीने केला व्हिडीओ शेअर
- आयपीएल स्थगित झाल्यानंतर ऑस्ट्रेलियन क्रिकेट असोसिएशनचा खेळाडूंना सतर्कतेचा इशारा, म्हणाले…
- आयपीएल रद्द झाल्यानंतर विराटची नवी इनिंग; कोरोना बचाव कार्यात ‘या’ व्यक्तिची घेतली भेट
- मुंबईची बातच न्यारी; ‘असा’ घेतला आयपीएल स्पर्धेचा निरोप
