संचारबंदीची ऐशीतैशी, पांडेय यांचे हातावर घडी तोंडावर बोट!

औरंगाबाद : शुक्रवारी रात्री मनपा प्रशासक आस्तिक कुमार पांडेय रात्री साडेअकरा वाजेच्या दरम्यान शतपावलीसाठी घराबाहेर पडले. त्यावेळी हिमायतबाग चौकातील चायनीज, चहा टपऱ्या आणि हॉटेलवर गर्दी पाहायला मिळाली. पोलीस प्रशासन झोपेत असल्यामुळेच शहरातील नागरिक संचारबंदीची ऐशीतैशी करत असल्याचे पुन्हा एकदा सिद्ध झाले आहे. मात्र पोलीस प्रशासनाच्या नाकर्तेपणावर आयुक्तांनी हातावर घडी आणि तोंडावर बोट ठेवणेच पसंद केले आहे.

शहरात कोरोनाचा संसर्ग झपाट्याने पसरत आहे. मात्र शहरातील नागरिक अजूनही गंभीर झालेले नाहीत. याची प्रचिती शुक्रवारी रात्री महापालिका प्रशासक आस्तिक कुमार पांडे यांना हिमायतबाग चौकात आली. चौकातील चायनीज, चहा विक्रेते आणि हॉटेलवर अलोट गर्दी त्यातल्या त्यात कोणीही मास्क घातलेले नव्हते.

कोरोना आजाराचा संसर्ग कमी व्हावा, नागरिकांवर लॉकडाऊन लादण्याची वेळ येऊ नये म्हणून प्रशासनाने मागील काही दिवसांपासून रात्रीची संचारबंदी सुरू केली आहे. मात्र या संचार बंदीचा फारसा फायदा आतापर्यंत दिसून आलेला नाही. पोलीस प्रशासन कुठे तरी कमी पडत आहे. त्यामुळेच काही भागातील नागरिक संचारबंदी मोडताना दिसत आहेत.

शहरात अजूनही नागरिक स्वतःला शिस्त लावून घेण्यास तयार नाहीत. शुक्रवारी रात्री महापालिका प्रशासन हिमायत बाग चौकापर्यंत पायी फिरायला निघाले असता चौकातील दृश्य पाहून त्यांना चांगलाच धक्का बसला. या भागातील छोट्या-मोठ्या व्यवसायिकांनी ग्राहकांची अलोट गर्दी जमवून ठेवली होती.

दरम्यान आयुक्तांच्या आदेशानुसार शनिवारी सकाळीच महापालिकेच्या अतिक्रमण हटाव पथक हिमायतबाग चौकात पोहोचले. सोबत नागरिक मित्र पथकाचे कंत्राटी कर्मचारी उपस्थित होते. अतिक्रमण हटाव विभागाने रस्त्यावरील तीन लोखंडी टपऱ्या, पाच शेड जमीनदोस्त केले. मास्क न घातलेल्या दहापेक्षा अधिक नागरिकांवर कारवाई करण्यात आली. ही कारवाई अतिरिक्त आयुक्त रविंद्र निकम यांच्या मार्गदर्शनाखाली पदनिर्देशित अधिकारी सविता सोनवणे, इमारत निरीक्षक सय्यद जमशीद, मजहर अली, पी.बी. गवळी यांनी केली.

महत्त्वाच्या बातम्या

• ‘या’ ग्रामीण रुग्णालयाची निजामकालीन इमारत कायम राहणार
• अपघातात ठार झालेल्या दोघांच्या नातेवाईकांना ४८ लाखाची भरपाई द्या
• ‘मी आनंदी आहे की मला अल्लाहला भेटायला मिळेल असं म्हणत आयशाने व्हिडिओ बनवून नदीत उडी मारली’
• नाकाबंदीतही वाहन चोर सुसाट
• औरंगाबादेतील शाळा,कोचिंग क्लासेस आता ‘या’ तारखेपर्यंत राहतील बंद