‘त्या’ डॉक्टरला अटक करा : एमआयएम

औरंगाबाद :  काल शहरातील पदमपूरा येथील कोविड सेंटरमध्ये रात्री एका पॉझिटिव्ह महिला रुग्णावर अत्याचार करण्याचा प्रयत्न करणाऱ्या डॉक्टरवर शक्ती कायद्यानुसार गुन्हा दाखल करुन त्याला अटक करण्याची मागणी एमआयएमच्या महिला आघाडीकडून शहरातील पत्रकार परिषदेत करण्यात आली आहे.

महिला रुग्णावर झालेल्या या प्रकाराने खुप वेदना झाल्या आहेत. तसेच माणुसकीला काळीमा फासणारी ही घटना आहे. महानगरपालिकेच्या वतीने या दोषी डॉक्टरला बडतर्फ केले आहे. पण शक्ती कायद्यानुसार गुन्हा दाखल करुन त्वरित अटक करावी, अशी मागणी एमआयएमच्या महिला विंगच्या प्रदेशाध्यक्ष अँड. आस्मा शेख यांनी निवेदनाच्या माध्यमातून केली आहे. राज्याचे गृहमंत्री, औरंगाबादचे जिल्हाधिकारी, पोलीस आयुक्त, मनपा आयुक्त यांच्याकडे आपल्या मागणीचे निवेदन देखील पाठवले आहे.

कोविड सेंटरमध्ये महीलाच सुरक्षित नाही तर, मग महिला रुग्णांनी उपचार घेण्यासाठी कसे पुढे येतील. यासाठी शासनाने योग्य कारवाई करावी. यापुढे अशी घटना होणार नाही, यासाठी कठोर कारवाई होणे आवश्यक आहे. त्या नराधम डॉक्टराची सखोल चौकशी करुन कडक कारवाई करावी, अशी मागणी देखील निवेदनात करण्यात आली आहे. या वेळी पत्रकार परिषदेत अॅड. अस्मा शेख, शेख समीना, शेख आसीया शकील, शेख रेहाना कासीम, शेख सानिया शकील यांची उपस्थिती होती.

महत्त्वाच्या बातम्या : 

• पंजाबातील निकालांमुळे भाजपला धक्का; अमित शहांनी घेतली तातडीची बैठक
• भाजपच्या सर्व संचालकांना घरी बसवणार : आ. आंबादास दानवे
• राज्यभरात गाजत असलेल्या कोविड सेंटरमधील ‘त्या’ घटनेबाबत महत्त्वाची माहिती आली समोर!
• शुद्धीवर न आलेल्या महिलेची आखेर ओळख पटली; गुढ मात्र कायम
• ‘चिनीसैन्य माघार घेत असल्याचा उत्सव म्हणजे राष्ट्रीय सुरक्षेची बनवा