अनिल परबांच्या अडचणीत वाढ; किरीट सोमय्यांनी सरकारकडे केली ‘ही’ मागणी

🕒 1 min read

मुंबई: भाजप नेते किरीट सोमय्या (Kirit Somaiya) यांनी काही दिवसांपूर्वी राज्याचे परिवहन मत्री यांच्यावर घोटाळ्यांचे आरोप केले होते. दापोलीत अनिल परब (Anil parab) यांनी दोन अनधिकृत रिसॉर्ट बांधल्याचा आरोप भाजप नेते किरीट सोमय्या यांनी केला होता. आता पुन्हा एकदा अनिल परब यांच्यावर किरीट सोमय्या यांनी निशाणा साधला आहे.

भाजप नेते किरीट सोमय्या यांनी ट्विट करत दापोलीतील अनिल परब यांच्या रिसॉर्ट संदर्भात माहिती देत परब यांच्यावर निशाणा साधला आहे. राज्य सरकारचे मंत्री अनिल परबांचा दापोली रिसॉर्ट बेकायदेशीर आहे व त्याचा बिनशेती परवाना फसवणुकीने, फॉर्जरी करून घेण्यात आला होता. तो आत्ता रद्द करण्यात आला आहे, असे एफिडेविट महाराष्ट्र शासनाने काल लोकायुक्त यांच्या कडील सुनावणीत दाखल केले असल्याचे ट्विट करत किरीट सोमय्या यांनी सांगितले आहे.

ठाकरे सरकार चे मंत्री अनिल परबचा दापोली रिसॉर्ट बेकायदेशीर आहे व त्याचा बिनशेती परवाना फसवणुकीने, फॉर्जरी करून घेण्यात आला होता. तो आत्ता रद्द करण्यात आला आहे आहे असे एफिडेविट महाराष्ट्र शासनाने काल लोकायुक्त यांचा कडील सुनावणीत दाखल केले सांगीतले@BJP4Maharashtra @Dev_Fadnavis pic.twitter.com/TcTUVIP1T0

— Kirit Somaiya (@KiritSomaiya) December 8, 2021

किरीट सोमय्या यांनी या प्रकरणावरून ठाकरे सरकारवर निशाणा साधला आहे. मंत्रिमंडळातील मंत्रीच अनधिकृत बांधकाम करत आहे. सचिव रिसॉर्ट अनधिकृत घोषित करतात. तरीही उद्धव ठाकरे परब यांना मंत्री म्हणून कायम ठेवतात. परब यांची हकालपट्टी तर होणारच. पण त्यांच्याविरोधात फौजदारी आणि सिव्हील कारवाई करण्यात यावी, अशी मागणी देखील किरीट सोमय्या यांनी केली आहे.

महत्त्वाच्या बातम्या

• ‘या’ प्रसिद्ध मोबाईल कंपनीच्या टॉवरचे साहित्य औरंगाबाद महापालिकेकडून जप्त
• आयसीसी क्रमवारीत भारतीय फलंदाजांची जबरदस्त झेप, अश्विनलाही झाला मोठा फायदा
• हेलिकॉप्टर दुर्घटनेनंतर नितीन गडकरींची मोठी प्रतिक्रिया, म्हणाले…
• ‘रविचंद्रन अश्विन अशीच गोलंदाजी करत राहिल्यास कुंबळेलाही मागे टाकेल’
• मावशी पद्मीनी कोल्हापूरेंनी केलेल्या कमेंटमुळे श्रध्दा कपूरची पोस्ट आली चर्चेत