वीज जोडणी कट करायला गेलेल्या विद्युत कर्मचाऱ्यास परभणीत बेदम मारहाण

🕒 1 min read

परभणी : वीज बिल भरलेले नसल्याने घराची वीज बंद करण्यास आलेल्या वीज वितरण कंपनीच्या कर्मचाऱ्यास एकाने थापड-बुक्क्यांनी मारहाण करत जिवे मारण्याची धमकी दिल्याप्रकरणी नानलपेठ पोलिस ठाण्यात बुधवारी (दि.3) गुन्हा दाखल करण्यात आला आहे.

वीज वितरण कंपनीचे कर्मचारी अशोक कच्छवे यांनी नानलपेठ पोलिस ठाण्यात दिलेल्या तक्रारीत म्हटले आहे, की बुधवारी दुपारी दीडच्या सुमारास लक्ष्मीनगरातील साळवी यांच्या घरी आपण इतर कर्मचाऱ्यांसह गेलो होतो. 20 नोव्हेंबर 2019 पासून 14 हजार 770 रुपयांची थकबाकी त्यांच्याकडे असल्याने त्यांना बिलाची थकबाकी भरण्याबाबत वेळोवेळी सूचना केल्या.

मात्र, त्यांनी थकबाकी भरली नाही. त्यामुळे बुधवारी दुपारी दीडच्या सुमारास साळवी यांच्या घरी गेलो व बील भरले नसल्याने वरिष्ठांच्या सूचनेनुसार लाईन कट करत असल्याचे त्यांना सांगितले. त्यावेळी कांबळे नामक त्यांच्या व्यक्तीने तेथे येऊन आपणास शिवीगाळ करू लागला. त्यावेळी आपण शिव्या देऊ नका, असे म्हटले असता त्याने थापड बुक्यांनी आपणास मारहाण केली. तसेच यानंतर लाईन कट करण्यास आला तर जीवे मारील, अशी धमकी दिली.

अशोक कच्छवे यांनी दिलेल्या तक्रारीवरून नानलपेठ पोलिस ठाण्यात शासकीय कामात अडथळा निर्माण केल्याप्रकरणी गुन्हा दाखल करण्यात आला. पोलिस निरीक्षक कुंदनकुमार वाघमारे यांच्या मार्गदर्शनाखाली फौजदार चिरंजीव दलालवाड हे अधिक तपास करत आहेत.

महत्वाच्या बातम्या

• रिहानाविरुद्ध आता बॉलीवूडचा खिलाडी, सिंघम मैदानात, गैरसमज पसरवणाऱ्यांनाही सुनावले खडे बोल
• रिहानाच्या ट्विटवर राहुल गांधींनी दिली ‘ही’ प्रतिक्रिया, दिल्लीतील फौजफाट्यावरून मोदींवर टीका
• प्यायचे होते पाणी, पण चुकून प्यायले सॅनिटायझर; BMCचे सहआयुक्त रमेश पवारांकडून घडली चूक

• शेतीतलं ना राहुल गांधींना काही कळतं, ना रिहानाला – संबित पात्रा

• शरजील उस्मानीवर कारवाई करण्याच्या मागणीसाठी चंद्रकांत पाटलांचे थेट योगींना पत्र