पैठण रोडवर अज्ञात वाहनाच्या धडकेने वृद्ध महिला ठार

औरंंगाबाद : भरधाव जाणाऱ्या वाहनाने दिलेल्या धडकेत जवळपास ६५ वर्ष वय असलेल्या वृध्द महिलेचा उपचारादरम्यान घाटी रूग्णालयात मृत्यू झाला. हा अपघात बुधवारी रात्री दहा वाजेच्या सुमारास पैठण रोडवरील गेवराई येथील अलाना कंपनीसमोर घडला.

पोलिसांनी दिलेल्या माहितीनुसार, बुधवारी रात्री साडेदहा वाजेच्या सुमारास मयत वृध्द महिला गेवराई रस्त्याने पायी जात होती. अलाना कंपनीजवळ तिला भरधाव वेगाने जाणाऱ्या वाहनाने धडक दिली. अपघातात गंभीर जखमी झालेल्या वृध्द महिलेला परिसरातील नागरीकांनी उपचारासाठी घाटीत दाखल केले.

उपचारादरम्यान गुरुवारी रात्री साडेबारा वाजता तिचा मृत्यू झाला. मयत वृध्द महिलेच्या अंगावर गुलाबी रंगाची नऊवारी साडी असून अंगात भुरकट रंगाची चोळी आहे. याप्रकरणी चिकलठाणा पोलिस ठाण्यात आकस्मात मृत्यूची नोंद करण्यात आली असून पुढील तपास सहाय्यक फौजदार लुटे व एस. के. राठोड हे तपास करत आहेत.

महत्वाच्या बातम्या

• मिल्खा सिंग यांची तब्येत पुन्हा खालावली ; ICU मध्ये दाखल
• ‘गोपीचंद पडळकर भाजपचे बुजगावणं, त्यांच्याकडे महाविकासआघाडीच्या नेत्यांनी लक्ष देऊ नये’
• २०२४ मध्ये काँग्रेस स्वबळावर सत्तेत येईल असं काम करा; पटोलेंनी पुन्हा ठोकला ‘स्वबळाचा’ शड्डू
• शतक कॉनवेचे; चर्चा मात्र दादाची! जाणून घ्या काय आहे कारण..
• ‘मला घाई होती, त्यामुळे पत्रकार परिषदेत ‘तत्वतः’ मान्यता हा शब्द राहिला’; वडेट्टीवारांच अजब स्पष्टीकरण