वाढत्या इंधन दरवाढीवर अखेर ‘अमूल’ ची खास चपराक; ‘या’ टॉपिकलची होतेय चर्चा

मुंबई : महागाई मुळे सामन्यांच्या खिशाला दररोज कात्री लागत असताना गेल्या काही दिवसांपासून सुरु असलेली इंधन दरवाढ आज देखील कायम आहे. शंभरीच्या जवळ गेलेल्या पेट्रोल आणि डीझेल मध्ये सातत्याने वाढ कायम आहे. काही शहरांमध्ये पेट्रोलने या आधीच शंभरी पार केली आहे. या विरोधात सामान्यांसह विरोधी पक्ष देखील आक्रमक होत आहेत.

दरम्यान, देशातील घडामोडींवर ‘अमूल’ समूह टॉपिकलद्वारे भाष्य करत असतं. क्रिकेट मधील हार-जीत, एखाद्या खेळाडूंची उल्लेखनीय कामगिरी, देशाचे शूर जवान असो वा संशोधन अशा सर्वच घटनांना अमूल विविध टॉपिकल्सद्वारे खास पद्धतीने मांडत असते. २०१३ साली केंद्रात काँग्रेसची सत्ता असताना मोठी इंधन दरवाढ झाली होती. यावेळी अमूलने विविध टॉपिकल्स मधून सरकारवर निशाणा साधला होता. ‘गड्डी रुला रही हैं ?’ हे टॉपिकल चांगलच गाजलं होतं.

आता विक्रमी इंधनांमध्ये दररोज विक्रमी दरवाढ होत असून पेट्रोलने शंभरी गाठली असताना अमूल गप्प का आहे ? असा सवाल काही नेटकऱ्यांनी केला होता. पेट्रोल शंभरी जवळ असून आता अमूल कधी भाष्य करणार याची प्रतीक्षा असल्याचे ट्विटस करण्यात येत होते. अखेर अमूलने वाढत्या इंधन दरवाढीवर टॉपिकल तयार करून केंद्र सरकारला चपराक लगावली आहे. ‘वेदनादायी दरवाढ’ असं भाष्य अमूलने केलं आहे. दरम्यान, मुंबईत आज पेट्रोल ९७ रुपये प्रति लिटर तर दिल्लीत 90.58 रुपये प्रति लिटर इतकं झालं आहे.

#Amul Topical: The steeply rising fuel prices! pic.twitter.com/6sHEqFu8KZ

— Amul.coop (@Amul_Coop) February 19, 2021

महत्त्वाच्या बातम्या

• ‘महाराष्ट्राने पवारांना रिटायर्डच केले पण पंतप्रधानपदाची आस साहेबांना स्वस्थ कुठे बसू देते ?’
• मराठा समाजाला ओबीसींच्या कोट्यातून नाही तर स्वतंत्र प्रवर्गाद्वारे आरक्षण द्या – रिपाइं
• अल्लाह को पता था कोरोना आनेवाला है – जितेंद्र आव्हाड
• ‘उद्धवजींचे सरकार नाही रामाचे…नाही भिमाचे…नाही काही कामाचे’
• ‘अहो ! आधी तुमची मानसिकता बदला, मग दुसऱ्यांना सल्ला द्या’