नवी दिल्ली : सत्तेत असलेल्या प्रभावशाली नेत्यांपैकी गृहमंत्री अमित शहा ( Amit Shah) हे एक प्रभावशाली नेते असल्याचं वक्तव्य राष्ट्रवादीतील नेत्याने केलं आहे. यामुळे राजकीय वर्तुळात अनेक चर्चांना उधाण आलं आहे. राष्ट्रवादीचे नेते, खासदार डॉ. अमोल कोल्हे ( Dr. Amol Kolhe ) यांनी अमित शहा यांची भेट घेतल्यानंतर हे वक्तव्य केलं आहे.
डॉ.अमोल कोल्हे यांची राष्ट्रवादीचे एक स्पष्ट वक्ते अशी ओळख आहे. त्यांनी केलेल्या या वक्तव्यामुळे राजकीय वर्तुळात चर्चा रंगत आहेत. मात्र त्यांच्या या भेटीमागे कोणतेही राजकीय कारण नसल्याचे त्यांनी स्पष्ट केले.
दरम्यान, अमोल कोल्हेंचा ‘शिवप्रताप गरूड झेप’ हा चित्रपट लवकरच प्रदर्शित होणार आहे. यासंदर्भात त्यांनी अमित शहांची भेट घेतली असल्याचं सांगितलं आहे. डॉ. अमोल कोल्हे यांनी राजकीय सीमोल्लंघन केलं असल्याच्या चर्चा सुरु असतानाच त्यांनी यावर देखील भाष्य केलं आहे.
राजकारणात संवाद हा कायम असायला हवा. निवडणुकीत तुम्ही राजकीय व्यासपीठावर असता. धोरण पटत नसेल तर विरोधकांच्या भूमिकेत असता. पण इतर वेळी तुमचा संवाद कायम हवा. त्यामुळे या भेटीला कोणीही राजकीय रंग देण्याची गरज नसल्याचं डॉ.अमोल कोल्हे यांनी माध्यमांशी बोलताना स्पष्ट केलं.
महत्वाच्या बातम्या :
- Supriya Sule | “ही महाराष्ट्राची हास्यजत्रा नाही, तुम्ही भाषण करताना…”, सुप्रिया सुळेंचा चंद्रकांत पाटलांवर निशाणा
- Shahajibapu Patil | “अजित पवारांना आता काम उरलेलं नाही, त्यांनी फक्त शिंदे, ठाकरे, इंदोरीकरांची भाषणं ऐकावीत”, शहाजीबापू पाटलांचा हल्लाबोल
- Nilesh Rane | “उद्धव ठाकरे बोगस माणूस, बाळासाहेबांची सेना रसातळाला नेली” ; भाजप नेत्याची टीका
- Eknath Shinde | एकनाथ शिंदे यांचा मास्टर माईंड ‘टाईम मॅनेजमेंट’, उद्धव ठाकरेंना ‘असा’ देणार शह
- Jawa 42 Bobber New Launch | जावा (Jawa) ची 42 Bobber लाँच, काय आहे या बाईकची खासियत जाणून घ्या!
