मुंबई : एकनाथ शिंदे (Eknath Shinde) यांनी बंड करत शिवसेना (Shivsena) पक्षावर दावा केला, त्यामुळे शिवसेना पक्षामध्ये दोन गट पडले. उद्धव ठाकरे (Uddhav Thackeray) गट आणि एकनाथ शिंदे गट. अशातच शिवसेनाची परंपरा असलेल्या दसरा मेळावा यावरुन चांगलंच राजकरण तापलं आहे. एवढंच नाही तर हे प्रकरण कोर्टात देखील गेलं. मात्र एकनाथ शिंदे यांना दसरा मेळाव्यासाठी शिवाजी पार्क न मिळाल्याने त्यांनी वांद्रे कुर्ला संकुलातील मैदानावर त्यांच्या दसरा मेळाव्याचं आयोजन केलं आहे. मात्र यावेळी शिंदे गटाकडून मास्टर माईंड टाईम मॅनेजमेंट करण्यात आलं आहे.
एकनाथ शिंदे गटाची योजना :
कोर्टाचा निकाल उद्धव ठाकरे यांच्या बाजूने लागला असून त्यांना शिवाजी पार्कवर दसरा मेळावा घेण्याची परवानगी मिळाली आहे. यावेळी रात्री सुमारे ८च्या दरम्यान त्यांचं भाषण सुरु होईल आणि ९च्या आसपास ते संपेल. त्यामुळे एकनाथ शिंदे यांनी रात्री ९ वाजता भाषण करावं, अशी योजना शिंदे गटाची आहे. असं झाल्यास शिंदे यांना ठाकरेंच्या भाषणातील मुद्दे खोडण्याची संधी मिळू शकते.
दसरा मेळावा (Dussehra Melava) संपला म्हणजे दोन गटातील वाद संपतील असं नाही. एकनाथ शिंदेंनी पक्षावर तसेच चिन्हावर दावा केल्यामुळे या प्रकरणाची सुनावणी सुप्रीम कोर्टात सुरु होती. यामध्ये एकनाथ शिंदे यांना दिलासा मिळाला असून पुढील निर्णय निवडणूक आयोग घेणार आहे. मात्र, हा निर्णय दिवाळी नंतर होणार असल्याचं समोर आलं आहे.
उद्धव ठाकरे यांनी केली होती ‘ही’ मागणी :
दरम्यान, उद्धव ठाकरे यांनी सप्रीम कोर्टाकडे निवडणूक आयोगाला निर्णय देण्याची परवानगी न मिळण्यासाठी मागणी केली होती. मात्र, सुप्रीम कोर्टाने ती फेटाळली. त्यामुळे या प्रकरणाचा निर्णय काय लागणार आणि धनुष्यबाण कोणाला मिळणार याकडे सर्वांचं लक्ष लागलं आहे.
महत्वाच्या बातम्या :
- Supriya Sule | “ईडी सरकारने राज्याची थट्टा चालवलीय” ; सुप्रिया सुळेंची खोचक टीका
- Amol Mitkari | “भुजबळ साहेब आपण महात्मा फुलेंचे खरे वारसदार शोभलात…”, अमोल मिटकरींनी केली छगन भुजबळांची पाठराखन
- MPSC Recruitment | महाराष्ट्र लोकसेवा आयोग (MPSC) यांच्यामार्फत 378 रिक्त पदांसाठी भरती प्रक्रिया सुरू
- Amol Kolhe | … म्हणून अमोल कोल्हेंनी घेतली अमित शहांची भेट, चर्चांना उधाण
- Job Alert | सेंट्रल बॅंक ऑफ इंडिया मध्ये विविध पदांसाठी भरती
