अहमदनगर : शिर्डी लोकसभा मतदार संघाचे शिवसेना खासदार सदाशिव लोखंडे यांचे दर्शन तसे त्यांच्या मतदारांना दुर्मिळच असते. ही निवडणूक ते ती निवडणूक सोडली तर लोखंडे मतदारसंघात फिरकत देखील नाहीत अशी त्यांची ख्याती आहे. म्हणूनच त्यांच्यावर नेवासा येथील आढावा बैठकीच्यावेळी शाई फेकण्याचा प्रयत्न झाला होता. यावरून चिडलेल्या लोखंडेंनी आता एक बेताल वक्तव्य केले आहे.
सदाशिव लोखंडे मतदारसंघात आभावानेच दिसतात आणि लोकांना भेटत नाहीत, अशी त्यांच्याविरूद्ध मागील कार्यकाळापासूनची तक्रार आहे. त्यांच्यावरील या टीकेला त्यांनी थेट उत्तर दिले. ते म्हणाले, ‘गावचे सरपंच लोकांना रोज भेटू शकतात. मी सरपंच नव्हे तर खासदार आहे. रोज भेटत नसलो तरी मतदारसंघासाठी माझी कामे सुरूच असतात.’ कोरोना परिस्थितीचा आणि उपाययोजनांचा आढावा घेण्यासाठी शिर्डीत आले असता खासदार लोखंडे पत्रकारांशी बोलत होते.
शिर्डी लोकसभा मतदारसंघातून लोखंडे निवडून आलेले असले तरी त्यांचे वास्तव्य मुंबई आणि दिल्लीतच असते. त्यामुळे मागील कार्यकाळापासून ते भेटत नसल्याच्या मतदारसंघातून तक्रारी होत असतात. कोरोनाच्या संकटातही सुरवातीच्या काळात ते भेटायला आले नसल्याची लोकांची तक्रार आहे. यावरूनच नेवासा येथील आढावा बैठकीच्यावेळी त्यांच्यावर शाई फेकण्याचा प्रयत्न झाला होता. या टीकेबद्दल विचारले असता लोखंडे म्हणाले, ‘लोकसभेचे अधिवेशन, इतर बैठका यासाठी वर्षातील सुमारे दोनशे दिवस दिल्लीतच जातात. उरलेल्या काळात मतदारसंघासाठीची कामे सुरू असतात. मी भेटलो नाही, याचा अर्थ काम करीत नाही, असा होत नाही. माझे काम सुरूच असते. गावचा सरपंच रोज भेटू शकतो, मी सरपंच नाही, खासदार आहे. सर्वसामान्य जनतेला हे माहिती आहे. त्यांचा माझ्यावर विश्वास आहे, असं लोखंडे यांनी म्हटलं आहे.
महत्त्वाच्या बातम्या
- बीडला अवकाळी पावसाने झोडपले ; शेतकऱ्यांच्या तोंडचा घास हिरावला
- 2021-22 मध्ये गहू खरेदीत गेल्या वर्षीच्या तुलनेत 49 टक्के वाढ; रावसाहेब पाटील दानवे यांची माहिती
- ‘गडकरींकडे सूत्रे सोपवण्याची मागणी मोदींनी मान्य केली असती, तर ही वेळ आलीच नसती’
- ‘बंगाल जिंकण्याच्या आग्रहामुळे देश उद्ध्वस्त’, ममतांचा मोदींवर हल्लाबोल
- पार्सलची प्रतिक्षा नको… सरळ दुकानासमोर गर्दी करत तळीराम करताहेत खरेदी
बातम्यांसाठी YouTube चॅनेल Subscribe करा
Subscribe Now
