अलर्ट! जालना जिल्ह्यात ५२१ नवे बाधित, दोन जणांचा मृत्यू

जालना: जिल्ह्यात कोरोनाचा प्रादुर्भाव वाढतच असून सोमवारी ५२१ नव्या बाधितांची भर पडली, तर उपचारादरम्यान दोघांना आपला जीव गमवावा लागला. तसेच दिवसभरात बरे झालेल्या ४५३ रुग्णांना रुग्णालयातून डिस्चार्ज देण्यात आला. जालना तालुक्यातील एकूण २२०, मंठा ९, परतूर ५३ घनसावंगी ३६, अंबड ५४, बदनापूर ३१, जाफराबाद ७, भोकरदन ७० तसेच इतर जिल्ह्यांतील ४१ अशा प्रकारे आरटीपीसीआरद्वारे ५०२ तर अँटिजन तपासणीद्वारे १९ असे एकूण ५२१ अहवाल कोरोना पॉझिटिव्ह आल्याची माहिती मिळाली.

आतापर्यंत जिल्ह्यात २ लाख ५३ हजार ४१४ नमुन्यांची तपासणी करण्यात आली. यापैकी ३८ हजार ३२५ अहवाल पॉझिटिव्ह तर २ लाख १३ हजार ३०७ निगेटिव्ह आले. तसेच प्रयोगशाळेत १४५० अहवाल प्रलंबित आहेत. दरम्यान, ३० हजार १७८ जणांनी आतापर्यंत कोरोनावर यशस्वी औषधोपचाराने मात केली असून दुर्दैवाने ६२० जणांचा मृत्यू झाला आहे. सध्या ७ हजार ५२७ एक्टिव रुग्णांवर उपचार सुरू आहेत.

संस्थात्मक अलगीकरणात ७०३ जणांना पाठवले: कोरोनाची साखळी तोडण्यासाठी सोमवारी राज्य राखीव पोलिस बल क्वार्टर ए ब्लॉक ७०, बी ब्लॉक १५, सी ब्लॉक ६२, डी ब्लॉक ४१, ई ब्लॉक ५७, केजीबीव्ही परतूर १९, केजीबीव्ही मंठा ३९, शासकीय तंत्रनिकेतन अंबड १३८, शासकीय मुलांचे वसतिगृह बदनापूर २०, डॉ. बाबासाहेब आंबेडकर वसतिगृह घनसावंगी ७३, अल्पसंख्याक मुलींचे वसतिगृह घनसावंगी ८३, केजीबीव्ही घनसावंगी ५९, शासकीय मुलांचे वसतिगृह एमआयडीसी इमारत क्र.१ भोकरदन १२, डॉ. बाबासाहेब आंबेडकर वसतिगृह इमारत क्र. २ भोकरदन १२, आयटीआय कॉलेज जाफराबाद ३ अशा ७०३ जणांनी संस्थात्मक अलगीकरणात पाठवले.

महत्त्वाच्या बातम्या

• ‘मोदींच्या नेतृत्वात देशात कोरोनमुक्ती सोडाच, परिस्थिती हाताबाहेर गेली आहे’
• ‘चाचा विधायक है हमारे’, फडणवीसांच्या पुतण्याने नियमावली धुडकावत घेतली कोरोना लस !
• सलग दुसऱ्या सामन्यात चेन्नईच्या गोलंदाजाचा बोलबाला; राजस्थानला ४५ धावांनी केले पराभूत
• मोठी बातमी : देशातील कोरोना स्थिती गंभीर; पंतप्रधानांनी बोलावली तातडीची मंत्रिमंडळ बैठक !
• जर पराभव झाला असता तर तो माझ्यामुळे; संथ खेळीवर धोनीची कबुली