‘मदिरा‘ चालू, ‘मंदिरं‘ बंद! तुघलकी राज्य सरकारचा जाहीर निषेध, निलंगेकरांचा हल्लाबोल

🕒 1 min read

लातूर : कोरोनाच्या पार्श्वभूमीवर राज्यातील सर्व मंदिरे बंद आहेत. यावरुन भाजप राज्य सरकारवर टीका करतेय. त्यात भाजपच्या वतीने राज्यभर ‘शंखनाद आंदोलन’ करण्यात आले. या आंदोलनाच्या माध्यमातून राज्यातील मंदिरे उघडण्याची मागणी भाजपच्या वतीने करण्यात येत आहे. या मध्ये आमदार संभाजी पाटील निलंगेकर यांनीही राज्यातील सत्ताधारी ठाकरे सरकारवर टीका केली आहे.

संभाजी पाटील यांनी राज्य सरकारवर टीका करताना सरकारच्या धोरणाचाही निषेध केला आहे. या संदर्भात त्यांनी सोशल मीडियाच्या माध्यमातून ठाकरे सरकाचा निषेध करत टीका केली. ते म्हणाले की, ‘मदिरा‘ चालू, ‘मंदिरं‘ बंद! तुघलकी राज्य सरकारचा जाहीर निषेध.’

‘मदिरा‘ चालू, ‘मंदिरं‘ बंद !

तुघलकी राज्य सरकारचा जाहीर निषेध..

— Sambhaji Patil Nilangekar (Modi Ka Parivar) (@sambhajipatil77) August 30, 2021

राज्यातील मंदिरे खुली करण्यात यावी, यासाठी राज्यभर भाजपने आंदोलन केले आहे. तर सत्ताधारी महाविकास आघाडीच्या नेत्यांनी भाजपवर पलटवार केला आहे. केंद्रातील भाजप सरकारनेच मंदिरे बंद ठेवण्याचे निर्देश दिले असल्याचे महाविकास आघाडीचे नेते सांगत आहेत. तर भाजपची सत्ता असलेल्या राज्यातील मंदिरे उघडी आहे का? असा प्रश्नही सत्ताधारी उपस्थित करत आहेत.

महत्त्वाच्या बातम्या

• श्रेयस अय्यर पुनरागमनासाठी सज्ज, टी-२० विश्वचषक संघात स्थान मिळवण्याचे लक्ष्य
• ओव्हल कसोटीतुन ‘हा’ भारतीय दिग्गज खेळाडू होणार संघाबाहेर
• ओव्हल कसोटीसाठी इंग्लंडच्या संघाची घोषणा, ‘या’ दिग्गजाचे झाले पुनरागमन
• ‘ऐसा कैसा चलेगा अनिल?’ ; भाजपच्या नेत्याने परबांवर डागले टीकास्त्र
• पुणे शहरात कोरोनाचे २०७ रुग्ण गंभीर तर २९८ रुग्ण ऑक्सिजनवर