मुंबई : हिवाळी अधिवेशनात सत्ताधारी आणि विरोधकांमध्ये जोरदार खडाजंगी सुरू आहे. भर सभागृहामध्ये उपमुख्यमंत्री अजित पवारांनी आज पुन्हा एकदा विधानसभेत काल मास्क न लावणाऱ्यांना खडेबोल सुनावले आणि पुन्हा एकदा त्यांचे सडेतोड बोलणं पाहायला मिळालं आहे.
विधानसभेत एवढा स्फाट काय करतो? विधानसभेत ‘झोपा काढता का रे? असा रोखठोक सवाल विचारल्याने काही काळ वातावरण पुन्हा तापल्याचे पहायला मिळाले. अधिवेशन सुरू होण्यापूर्वी सभागृहाची प्रश्नपत्रिका न मिळाल्याने सदस्य भडकले आहेत. यावेळी अजित पवारांनी कर्मचाऱ्यांना चांगलेच खडसावले आहे.
अजित पवारांना आपण अनेकदा बेधडक बोलताना बघितले आहे. अजित पवार भर सभेत विरोधकांना थेट आव्हान देणारे नेते म्हणून ओळखले जातात. इतकेच काय अजित पवार त्यांच्याच सभेत राष्ट्रवादीच्या कार्यकर्त्यांचीही अनेकदा शाळा घेतात, हे आपण अनेकदा पाहिले आहे, याच अजित पवारांचे हे आक्रमक रुप आज पुन्हा सभागृहाने पाहिले आहे.
विधानसभेत ‘झोपा काढता का रे?’ प्रत्येक दारामध्ये तुम्ही लोक उभे करता, त्यावेळी आत आमदार आल्यानंतर त्यांच्या हातात गठ्ठा द्या, काम होऊन जाईल, असे म्हणत अजित पवारांनी सभागृहातील कर्मचाऱ्यांना खडेबोल सुनावले आहे. सदस्यांच्या वेदना बरोबर आहेत, त्याचे काय चुकीचे आहे? असा सवालही अजित पवारांनी उपस्थित केला आहे. पुढील कामकाजाबाबतही अजित पवारांनी काही बदल सुचवले, त्याला नरहरी झिरवळ यांनीही संमती दर्शवली आहे.
महत्त्वाच्या बातम्या
- तुकाराम सुपेसह ‘त्या’ परीक्षेतील भ्रष्टाचाराची सीबीआय चौकशीची संभाजी ब्रिगेडची मागणी
- “वाघाला घाबरून पटकन म्याव म्याव अशी प्रतिक्रिया आली असेल”
- “तुमचं सरकार घोटाळेबाज होतं म्हणून तुम्हाला सगळीकडे घोटाळेच दिसतात”
- ‘अतरंगी’ फोटो शेअर करत नवाब मलिकांनी अप्रत्यक्षपणे उडवली नितेश राणेंची खिल्ली
- आ. दानवेंच्या प्रयत्नांना यश; भोकरदन येथील ग्रामीण रुग्णालयाचे होणार उपजिल्हा रुग्णालयात रुपांतर..!
- “दुखवट्याच्या नावाखाली काही लोक एसटी कर्मचाऱ्यांची दिशाभूल करत आहेत”
