पुणे : कोरोनाच्या संभाव्य तिसऱ्या लाटेचा संभाव्य धोका लक्षात घेऊन पुणे, पिंपरी चिंचवडसह जिल्ह्यातील ग्रामीण भागातील प्रमुख रुग्णालयांमध्ये लहान मुलांसाठी स्वतंत्र कक्ष राखीव ठेवण्याच्या सूचना उपमुख्यमंत्री तथा जिल्ह्याचे पालकमंत्री अजित पवार यांनी आज दिल्या. पुण्यातील कौन्सिल हॉल येथे उपमुख्यमंत्री अजित पवार यांच्या अध्यक्षतेखाली कोरोना परिस्थिती आणि उपाययोजनांबाबत आढावा बैठकीत घेण्यात आली, यावेळी ते बोलत होते.
पुणे जिल्ह्यातील कोरोना विषाणूची सद्यस्थिती, म्युकरमायकोसीसची सद्यस्थिती, प्रशासनाच्यावतीने करण्यात येणाऱ्या उपाययोजना, लहान बालकांसाठी वैद्यकीय सुविधा तसेच लसीकरण आदी विषयांबाबत उपमुख्यमंत्री अजित पवार यांनी बैठकीत माहिती जाणून घेतली. लसींचा तुटवडा असल्याने मोजक्याच ठिकाणी लसीकरण केले जात आहे. तर, महाराष्ट्रात १८ ते ४४ वयोगटातील नागरिकांच्या लसीकरणाला ब्रेक लावण्यात आला आहे.
लसीकरणावर भर देणं गरजेच असून १८ ते ४४ वयोगटातील नागरिक हे लस घेण्यासाठी उत्साही आहेत. त्यामुळे पुन्हा लसीकरण सुरु करण्याचे प्रयत्न सुरु असून लवकरच लस उपलब्ध झाल्यानंतर १८ वर्षांपुढील व्यक्तींचे लसीकरण सुरु केले जाईल, असा शब्दच अजित पवारांनी दिला आहे. ‘कोरोना प्रतिबंधाच्या दृष्टीने अधिकाधिक नागरिकांना लस देण्यासाठी राज्य शासनाच्या वतीने प्रयत्न करण्यात येत आहेत. सध्या 45 वर्षांवरील नागरिकांना लस देण्यावर भर देण्यात येत असून पुरेशा प्रमाणात लस उपलब्ध झाल्यावर 18 वर्षांवरील सर्व नागरिकांच्या लसीकरणासाठी प्रयत्न करण्यात येतील, असं भाष्य अजित पवार यांनी केलं आहे.
महत्वाच्या बातम्या
- १ जूननंतर राज्यातील लॉकडाऊन वाढणार ? अजित पवार म्हणाले…
- ‘पवारांना त्या उपसमितीचे प्रमुख करणं म्हणजे मेंढरांनी लांडग्याकडून संरक्षणाची अपेक्षा करण्यासारखं’
- संभाजीराजेंचा असा अवतार मी पाहिला नाही, मोदींनी भेट न दिल्यामुळेच त्यांचा संताप – मुश्रीफ
- अतुल भातखळकरांना लाज वाटली पाहिजे; हसन मुश्रीफांनी झापलं !
- राज ठाकरेंचा मुख्यमंत्र्यांना एक फोन आणि राज्यात चित्रीकरणाला तत्त्वत: मान्यता जाहीर
बातम्यांसाठी YouTube चॅनेल Subscribe करा
Subscribe Now
