प्रशिक्षकानंतर आता श्रीलंकेच्या ‘या’ खेळाडूला कोरोनाची लागण

मुंबई : भारतीय संघाचा श्रीलंका दौरा हा सुरुवातीपासुनच अडचणीत सापडत आहे. इंग्लंडच्या खेळाडूंना कोरोनाची लागण झाल्यामुळे भारताविरुद्ध मालिकेसाठी नवा संघ उभा करण्यात आला. यादरम्यान श्रीलंकेच्या नव्या संघातही कोरोनाने शिरकाव केल्याची माहिती समोर आली आहे.

इंग्लंडमध्ये एकदिवसीय मालिकेनंतर इंग्लंडच्या काही खेळाडूंना कोरनाची लागण झाली होती. यानंतर मायदेशी परतल्यानंतर श्रीलंकेच्या खेळाडूना हॉटेलमध्येच विलगीकरणात ठेवण्यात आले. यादरम्यान श्रीलंका क्रिकेट संघाचे फलंदाजी प्रशिक्षक ग्रॅट फ्लॉवर यांना कोरोनाची लागण झाली होती. यामुळे भारताविरुद्धची मालिका काही दिवसासाठी पुढे ढकलण्यात आली.

यानंतर बीसीसीआयने श्रीलंकेविरुद्धच्या मालिकेचे नवे वेळापत्रक जाहिर केले. यादरम्यान भारताविरुद्ध घोषणा करण्यात आलेल्या श्रीलंकेच्या दुसऱ्या संघातील फलंदाज संदुन वीरक्ककोडीला कोरोनाची लागण झाली आहे. संदुला हा डंबुला शहरातील सराव शिबीरात संघासोबत सराव करत होता. पहिल्या संघानंतर दुसऱ्या संघात कोरोनाचा शिरकाव झाल्याने मालिकेचे भविष्य अधांतरी आहे.

महत्त्वाच्या बातम्या

• ‘इतके तर मुलेही डीपी बदलत नाही, जेवढे श्रीलंकाने कर्णधार बदलले’ ; ट्विट करत जाफरने केली थट्टा
• रोहित शर्मा सर्वोत्कृष्ट कर्णधार : सूर्यकुमार यादव
• हरलीनच्या ‘त्या’ कॅचवर महिंद्रा यांची विशेष टिप्पणी, म्हणाले…
• सूर्यकुमार यादववर नाराज डेव्हिड वॉर्नर ; ट्विट करत म्हणला, ‘मला विश्वास बसत नाहीये’
• दिडशतकी खेळीनंतर महमूदूल्लाहने निवृत्ती जाहिर करत दिला मोठा धक्का