मुंबई – देशातील आघाडीची कोरोना लस उत्पादित कंपनी सीरम इन्स्टिट्यूटचे संस्थापक अदर पुनावाला यांना बड्या राजकीय नेते आणि व्यवसायिकांकडून जीवे मारण्याची धमकी मिळाली होती. याबाबतचा गौप्यस्फोट स्वतः अदर पुनावाला यांनी मुलाखतीदरम्यान केला होता. यानंतर आता अदर पूनावाला यांना झेड प्लस सुरक्षा देण्याची मागणी करण्यात आली आहे. मुंबई हायकोर्टात यासंबंधी याचिका दाखल करण्यात आली आहे.
वकील दत्ता माने यांनी ही याचिका केली असून यावेळी त्यांनी अदर पूनावाला यांना लस पुरवठ्यावरुन धमकी देणाऱ्यांविरोधात गुन्हा दाखल करण्याची मागणी देखील केली आहे.जर लसनिर्मिती करणाऱ्यांना असुरक्षित वाटत असेल तर याचा परिणाम लसनिर्मितीवर होऊ शकतो असा दावा दत्ता माने यांनी याचिकेत केला आहे .
पुनावाला यांनी केलेल्या विधानांची दखल राज्य सरकारने घ्यावी आणि पोलिसांना एफआयआर दाखल करण्याचे निर्देश द्यावे, अशी मागणी याचिकेत केली आहे. तसेच या प्रकरणात तपास सुरू करुन न्यायालयात अहवाल दाखल करावा, असेही म्हटले आहे.
पूनावाला यांचे सिरम इन्स्टिट्यूट कोव्हिशिल्ड या कोरोनावरील लसीचे उत्पादन करीत आहे. कोरोनावर मात करण्यासाठी ही लस आवश्यक आहे. सिरमने पूर्ण क्षमतेने काम करण्यासाठी सीईओचे देशात असणे आवश्यक आहे. अन्यथा लसनिर्मिती मंदावेल. त्यामुळे पूनावाला व सिरमच्या संपत्तीचे रक्षण करावे, असेही याचिकेत नमूद आहे.
महत्वाच्या बातम्या
- मोठी बातमी : राष्ट्रीय लोकदलाचे अध्यक्ष चौधरी अजित सिंह यांचं करोनानं निधन
- घरी पोहोचताच हार्दिक बनला कुक; वहिनी पंखुडीने केला व्हिडीओ शेअर
- आसाराम बापूची तब्येत खालावली, कोरोना झाल्यानंतर ICU मध्ये दाखल
- आयपीएल रद्द झाल्यानंतर विराटची नवी इनिंग; कोरोना बचाव कार्यात ‘या’ व्यक्तिची घेतली भेट
- मुंबईची बातच न्यारी; ‘असा’ घेतला आयपीएल स्पर्धेचा निरोप
