मुंबई : संपूर्ण देशात कोरोना व्हायरसमुळे बिकट परिस्थिति निर्माण झाली आहे. खबरदारी म्हणून अनेक भागात लॉकडाऊन करण्याचा निर्णय घेण्यात आला. या काळात अनेकांना याचा मोठा फटका बसला. मनोरंजन क्षेत्राला देखील याचा चांगलाच फटका बसला आहे. चित्रपटगृहे बंद असल्यामुळे निर्मात्यांना चित्रपट ओटीटी प्लॅटफॉर्मवर प्रदर्शित करावे लागत आहेत. आता अभिनेता सैफ अली खानचा आगामी चित्रपट ‘भूत पोलीस’ देखील ओटीटी प्लटफॉर्मवर प्रदर्शित करण्याचा निर्णय घेण्यात आला आहे. चित्रपटगृहे नंतर आता ओटीटी प्लटफॉर्मवर देखील चित्रपटाना चांगला प्रतिसाद मिळत आहे.
https://www.instagram.com/p/CL02O02B4D5/?utm_source=ig_embed&ig_rid=76ed881a-a5e0-4ccd-94ff-f79f0e77fc1b
गेल्या वर्षी नोव्हेंबर महिन्यात ‘भूत पोलीस’ या चित्रपटाच्या चित्रीकरणास सुरुवात करण्यात आली होती. पण कोरोनाच्या दुसऱ्या लाटेमुळे जानेवारी महिन्यात या चित्रपटाचे चित्रीकरण थांबवण्यात आले. हा चित्रपट १० सप्टेंबर २०२१ रोजी चित्रपटगृहांमध्ये प्रदर्शित होणार होता. मात्र सध्याची परिस्थिती पाहाता निर्माते रमेश तौरानी यांनी ‘भूत पोलीस’ हा चित्रपट डिस्ने प्लस हॉटस्टार या ओटीटी प्लॅटफॉर्मवर प्रदर्शित करण्याचा निर्णय घेतला आहे.
या चित्रपटात सैफ अली खानसोबत अर्जुन कपूर, जॅकलिन फर्नांडिस आणि यामी गौतम हे कलाकार मुख्य भूमिकेत दिसणार आहेत. ‘भूत पोलीस’ हा एक हॉरर कॉमेडी चित्रपट आहे. काही दिवसांपूर्वी चित्रपटाचे पोस्टर प्रदर्शित करण्यात आले होते. हॉरर कॉमेडी स्टोरी असल्यामुळे काही वेगळे पाहायला मिळणार यासाठी अनेकांना या चित्रपटाबाबत उत्सुकता निर्माण झाली आहे.
महत्वाच्या बातम्या
- शिवसेनेचे आमदार प्रदिप जैस्वाल एमआयएम खासदारासोबत गेलेच कसे ? खैरे संतापले अन्…
- पुण्याला दिलासा ; आज नव्या कोरोना बाधितांचा आकडा हजाराच्या आत
- ‘तिसऱ्या लाटेत बालकांसाठी कोरोनापेक्षा पोस्ट कोविडच अधिक धोकादायक, पालकांनी काळजी घ्या’
- चिंताजनक ! साध्या पाण्यामुळे म्युकरमायकोसिस, आता ‘डिस्टील वॉटर’ वापरण्याच्या मनपाच्या सूचना !
- पोलीस भरतीबाबत लवकरच निर्णय जाहीर करू : गृहमंत्री वळसे-पाटील
