#अजय_देवगन_कायर_है हा हॅशटॅग सध्या ट्वीटरवर ट्रेंड का होत आहे ?

🕒 1 min read

मुंबई: केंद्र सरकारच्या तीन नवीन कृषी कायद्यांविरोधात शेतकऱ्यांचे आंदोलन सुरूच आहे. या आंदोलनला काही सेलिब्रिटींनी पाठिंबा दिला आहे तर काहींनी विरोध केला आहे. अभिनेता अजय देवगण यानं काही दिवसांपूर्वी त्यानं यासंदर्भात ट्विटही केलं होतं.

या प्रार्श्वभूमीवर काल मुंबईतील गोरेगाव इथं अजयची कार कृषी आंदोलक समर्थकानं अडवल्याचं समोर आलं आहे.अजय काही कामानिमित्त गोरेगाव, दिंडोशी इथं आला असताना एका व्यक्तीनं त्याची कार रोखलीआहे. गाडी रोखणारी व्यक्ती पंजाबी भाषेत अजयला आंदोलनाला आणि पंजाबला विरोध केल्याप्रकरणी जाब विचारताना दिसत आहे.

घटनास्थळी बघ्यांची गर्दी झाली आणि पोलीसही पोहोचले आणि पोलिसांनी निदर्शने करणाऱ्या राजदीप सिंग याला ताब्यात घेवून अभिनेता अजय देवगण याची गाडी गोरेगाव फिल्मसिटीपर्यंत सोडली.

तू शेतकरी आंदोलनावर गप्प का आहेस? आंदोलनला विरोध का केला असंही हा व्यक्ती म्हणताना दिसतोय. तब्बल १५ मिनिटे या व्यक्तीनं अजयची कार अडवली होती. त्यानंतर पोलिस घटनास्थळी आले आणि त्या व्यक्तीला ताब्यात घेतलं होतं.

दरम्यान, आता या तरुणाला जामिन मंजूर करण्यात आला आहे. मनजिंदर सिंह सिरसा यांनी सोशल मीडियाद्वारे जामिनाची माहिती दिली. या इसमाविरोधात कलम 341, 504 आणि 506 अन्वये गुन्हा दाखल करण्यात आला आहे.

This is sheer injustice by @DGPMaharashtra
The person in the video, Rajdeep Singh Dhaliwal, has only expressed his displeasure against @ajaydevgn stand against Farmers. Is that an offence? A crime? How could Police even file a case against him U/S 341, 504,506 IPC (FIR No 119) pic.twitter.com/GmBqT0goq0

— Manjinder Singh Sirsa (@mssirsa) March 2, 2021

दरम्यान,सर्व प्रकारामुळे अजय देवगणला सध्या सोशल मिडीयावर ट्रोल केले जात आहे. #अजय_देवगन_कायर_है हा हॅशटॅग सध्या ट्वीटरवर ट्रेंड होत असल्याचे दिसून येत आहे.

महत्वाच्या बातम्या 

• सिट्रोन C5 एयरक्रॉस डोमेस्टिक मार्केटमध्ये धडकणार ! लाँचिंगपूर्वी बुकिंग सुरु…
• आता राज्यात राष्ट्रपती राजवट लागू करण्याशिवाय पर्याय नाही, सभागृहात मुनगंटीवार आक्रमक
• वेतन थकल्याने अब्दुल सत्तारांच्या विरोधात ‘शोले स्टाईल’ आंदोलन
• बिस्किटच्या डिझाईनच्या कॉपी प्रकरणी ओरियो पार्लेविरुद्ध न्यायालयात
• महाविकास आघाडीतुन काँग्रेस सर्वप्रथम बाहेर पडेल : केंद्रीय मंत्री रामदास आठवले