अंबाला तुरुंगातून आणलेल्या मातीने हिंदू महासभा उभारणार नथुराम गोडसेचा पुतळा

हरियाणा : सोमवारी(१५ नोव्हें.)नथुराम गोडसेच्या पुण्यतिथीनिमित्त हिंदू महासभेने हरियाणाच्या अंबाला सेंट्रल जेलमधून आणलेल्या मातीने नथुराम गोडसेचा पुतळा बनवणार असल्याची घोषणा केली आहे. या सेंट्रल जेलमध्ये महात्मा गांधींच्या मारेकरी गोडसेला १९४९ मध्ये फाशी देण्यात आली होती.

यासंदर्भात बोलतांना संघटनेचे राष्ट्रीय उपाध्यक्ष डॉ. जयवीर भारद्वाज यांनी सांगितले की,’ज्या अंबाला तुरुंगात नथुराम गोडसे आणि नारायण आपटे यांना फाशी देण्यात आली होती, त्या तुरुंगातून हिंदु महासभेच्या कार्यकर्त्यांनी गेल्या आठवड्यात माती आणली आहे. तसेच या मातीचा वापर गोडसे आणि आपटे यांचे पुतळे बनवण्यासाठी केला जाईल आणि ते ग्वाल्हेर येथील हिंदू महासभेच्या कार्यालयात बसवले जातील’, असेही ते म्हणाले.

दरम्यान, पुढे ते म्हणाले की,’महासभेच्या कार्यकर्त्यांनी सोमवारी उत्तर प्रदेशमधील मेरठ येथील ‘बलिदान धाम’ येथे गोडसे आणि आपटे यांचे पुतळे बसवले. आम्ही प्रत्येक राज्यात असे बलिदान धाम बांधू.’

महत्त्वाच्या बातम्या

• काही राजकीय पक्षांचे घटक त्यांच्यातील नैराश्य…- शरद पवार
• नवाब मलिक यांनी केलेल्या ‘त्या’ आरोपांवर आशिष शेलारांचे प्रत्युत्तर; म्हणाले…
• आनंदराव अडसूळांच्या अडचणीत वाढ?; अटके पासून अंतरिम दिलासा नाही
• ‘मोदी सरकार आठ दिवसांत ९५ हजार ८२ कोटींचा निधी राज्यांना देणार’
• घरावरील हल्ल्यानंतर खुर्शीद यांची प्रतिक्रिया; म्हणाले,’हिंदुत्व काय करतं पहायचं असेल तर…’