🕒 1 min read
मुंबई : सोमवारी(१५ नोव्हें.)सिटी सहकारी बँकेतील आर्थिक गैरव्यवहाराप्रकरणी शिवसेना नेते आणि माजी खासदार आनंदराव अडसूळ यांना अटकेपासून अंतरिम संरक्षण देण्यास विशेष न्यायालयाने नकार दिला आहे. त्यामुळे अडसूळांच्या अडचणीत वाढ झाल्याचे दिसून येत आहे.
ईडीने घरावर छापे टाकल्यानंतर तसेच चौकशीसाठी बोलावल्यानंतर अटकेच्या भीतीने अडसूळ यांनी आधी उच्च न्यायालयात धाव घेतली होती. त्यांनी ‘ईडी’चे समन्स रद्द करण्याची मागणीही केली होती. परंतु, उच्च न्यायालयाने त्यांना कोणताही दिलासा देण्यास नकार दिला. तसेच अटक टाळायची असल्यास कनिष्ठ न्यायालयात दाद मागण्याची मुभा त्यांना दिली होती. त्यानुसार अडसूळ यांनी विशेष न्यायालयात अटकपूर्व जामिनासाठी अर्ज केला होता. विशेष न्यायालयाने सोमवारी त्यांच्या अर्जावर निर्णय देताना अडसूळ यांना अटकेपासून अंतरिम दिलासा देण्यास नकार दिला. अडसूळ हे बँकेचे माजी अध्यक्ष असून त्यांनी बँकेत ९८० कोटी रुपयांचा आर्थिक गैरव्यवहार केल्याचा आरोप आहे. मुंबई पोलिसांच्या आर्थिक गुन्हे शाखेने नोंदवलेल्या गुन्ह्य़ाच्या आधारे ‘ईडी’कडून या प्रकरणाची चौकशी केली जात आहे.
दरम्यान, अडसूळांवर सिटी सहकारी बँक घोटाळ्यासंदर्भात कारवाई करण्यात येत आहे. मुंबईत २७ शाखा असलेल्या सिटी सहकारी बँकेवर घोटाळ्यामुळे सन २०१८ पासून रिझर्व्ह बँकेचे निर्बंध आहेत. आनंद अडसूळ हे या बँकेचे अध्यक्ष असून, अभिजित अडसूळ हे संचालक आहेत. नियमबाह्य कर्ज दिल्यानेच ही बँक घोटाळ्यात अडकली व त्यात आर्थिक गैरव्यवहार झाला, असा ईडीचा संशय आहे. त्याच पार्श्वभूमीवर ईडीने तपास सुरू केला आहे.
महत्त्वाच्या बातम्या
- काही राजकीय पक्षांचे घटक त्यांच्यातील नैराश्य…- शरद पवार
- नवाब मलिक यांनी केलेल्या ‘त्या’ आरोपांवर आशिष शेलारांचे प्रत्युत्तर; म्हणाले…
- भाजप नेत्यांचं दंगे घडवण्याचं षडयंत्र, पैसेही वाटले; मलिकांचा खळबळजनक आरोप
- ‘महात्मा ज्योतीराव फुले’ योजनेचा वैजापूरातील ३६ हजार शेतकऱ्यांना लाभ
- आता राष्ट्रवादीही मनपा निवडणुकीच्या रिंगणात, औरंगाबादेत स्वबळाची चाचपणी
