कोरोनाबाधित रुग्णांच्या उपचारासाठी खाजगी अस्थिव्यंग तज्ज्ञ देणार सेवा

परभणी :  कोरोना संसर्गाच्या वाढत्या कहराच्या पार्श्वभूमीवर जिल्हा महसूल प्रशासनाने रविवारी एका बैठकीद्वारे केलेल्या आवाहनाप्रमाणे शहरातील खाजगी अस्थिव्यंग तज्ज्ञांनी कोविड सेंटर्समधून कोरोनाबाधित रुग्णांची सेवा करण्याचा संकल्प केला आहे. त्याप्रमाणे सर्व अस्थिव्यंगतज्ज्ञांनी नियोजनानुसार वेळापत्रक तयार केले आहे. त्याप्रमाणे दररोज सेवा देखील सुरु करण्यात देखील आली आहे.

शिवसेनेचे सहसंपर्कप्रमुख अस्थिव्यंगतज्ज्ञ डॉ. विवेक नावंदर यांनी प्रसार माध्यमांशी संवाद साधत असताना सांगितले की, अस्थिव्यंगतज्ज्ञ जिल्हा रुग्णालय प्रशासनाने नेमून दिलेल्या कोविड सेंटरर्समधून वेळापत्रकाप्रमाणे सेवा बजावणार आहेत. विशेषतः हे तज्ज्ञ शासकीय रुग्णालयातील फिजिशीयन यांना प्रामुख्याने मदत करतील. दरम्यान दुपारी १२ ते रात्री ८ या वेळेत दररोज एक अस्थिव्यंगतज्ज्ञ जिल्हा रुग्णालय, आयटीआय, जिल्हा परिषद इमारत व अन्य कोविड सेंटरमधून सेवा बजावणार आहेत, असेही या वेळी डॉ. नावंदर यांनी सांगितले.

परभणी शहरासह जिल्हाभरामजध्ये कोरोना रुग्णांची वाढती संख्या लक्षात घेता कोव्हिड सेंटर वर सेवा बजावत असणाऱ्या डॉक्टरांच्या तसेच प्रशासकीय यंत्रणेवर खुप मोठ्या प्रमाणात ताण येत आहे. त्यामुळे आता शहरासह ग्रामीण बागातील अस्थि व्यंगतज्ज्ञ कोरोना रुग्णांवर उपचार करण्याऱ्या सर्व पिजिशियन यांना वैद्यकीय उपचार करण्यामध्ये मदत देखील करणार आहेत.

महत्त्वाच्या बातम्या      

• औरंगाबाद येथील जिल्हाधिकारी कार्यालयात नागरी मदत केंद्राची स्थापना
• परिवहन महामंडळाचा तोटा भरून काढण्यासाठी सरकारचा नवा फंडा
• औरंगाबाद स्मार्ट सिटीच्या ‘या’ महत्वाकांक्षी प्रकल्पास सुरुवात!
• रिक्षा परवाना धारकांना सानुग्रह अनुदान मिळणार पण…
• सुशांतच्या बायोपिकवर बंदीसाठी वडील हायकोर्टात, निर्मात्यांना नोटीस