तुळजापूर : तालुक्यातील मसला खुर्द येथील अंबरजना राजेंद्र कुंभार या शेतकरी महिलेने कोरोना ग्रस्तांसाठी मुख्यमंत्री सहाय्यता निधीला दहा हजार रुपयाच्या मदतीचा धनादेश सोमवार दि.२० रोजी तहसिलदार सौदागर तांदळे यांच्या कडे पती राजेंद्र कुंभार व पञकार संघाचे जिल्हा उपाध्यक्ष श्रीकांत कदम यांच्या उपस्थितीत सपूर्द केला.
अंबरजना राजेंद्र कुंभार यांच्या पतीचे तुळजापूर येथे शेतीस लागणाऱ्या मोटार साहित्य विक्री व दुरुस्तीचे विमल मशनिरी स्टोअर्स नावाचे दुकान आहे.
सदरील गरीब दांम्पत्य संत गोराबा काका पुण्यतिथी निमित्ताने अन्नदान किर्तनाचा कार्यक्रम घेतात यंदा हा कार्यक्रम रद्द करुन यावर होणारा खर्च कोरोना ग्रस्तांचा मदतीसाठी देवुन अनोखी माणुसकीचे दर्शन या संकट काळात घडवले.
विशेष म्हणजे अंबरजना राजेंद्र कुंभार यांचे सासरे कुंभार चा व्यवसाय करतात यंदा डेरे रांजन विकले नसतानाही त्यांनी मदतीचा हात पुढे केल्याने कुंभार कुटुंबियांचे सर्वञ कौतुक होत आहे.
