भाजप पदाधिकाऱ्याला मारहाण: युवासेना उपसचिव राजेंद्र जंजाळ यांच्यासह ४ जणांवर गुन्हा दाखल

औरंगाबाद : विजयनगरमधील कोरोना प्रतिबंधात्मक लसीकरण केंद्रावर टोकण वाटण्यावरुन झालेल्या वादात भाजप ओबीसी आघाडीचे पदाधिकारी प्राध्यापक गोविंद केंद्रे यांना मारहाण करण्यात आली होती. या प्रकरणात युवासेनेचे उपसचिव राजेंद्र जंजाळ यांच्यावर गुन्हा दाखल करण्यात आला आहे. जंजाळ यांच्यासह आणखी ३ व्यक्तींच्या नावे हा गुन्हा दाखल करण्यात आला आहे.

विजयनगर लसीकरण केंद्रावर कोरोना लस घेणाऱ्या व्यक्तींना टोकण वाटप करण्यात येते. त्यावरुन दोन्ही पक्षाच्या कार्यकर्त्यांमध्ये वाद झाला होता. या प्रकरणात मंत्री संदीपान भुमरे यांच्या कार्यालयासमोर मारहाण झाल्याचा आरोप प्राध्यापक केंद्रे यांनी केला आहे. या घटनेमुळे भाजप आणि शिवसेनेच्या पदाधिकाऱ्यांमध्ये चांगलाच वाद निर्माण झाला आहे.

सदरील प्रकरणात प्राध्यापक केंद्रे यांच्या फिर्यादीवरुन राजेंद्र जंजाळ, अमोल पाटे, आकाश राऊत आणि एका अज्ञात इसमाविरुद्ध जवाहनगर पोलीस ठाण्यात गुन्हा दाखल करण्यात आला आहे. दुखापत करणे, शिवीगाळ करणे आणि जीवे मारण्याची धमकी देण्याचा आरोप यामध्ये करण्यात आला आहे. या सर्व प्रकरणामुळे शिवसेना आणि भाजप यांच्यातील वाद पुन्हा एकदा उफाळून आला आहे.

महत्त्वाच्या बातम्या

• मुख्यमंत्री ठाकरेंना दिल्या पंतप्रधान मोदींनी वाढदिवसाच्या शुभेच्छा, म्हणाले…
• पंडित जवाहरलाल नेहरू यांच्याबाबत राज्यपाल भगतसिंह कोश्यारी यांनी केलेले विधान दुर्दैवी
• आसाम मिझोराम सीमावादातून हिंसाचार, आसामच्या 6 पोलिसांचा मृत्यू
• ‘शेतकऱ्यांचा प्रश्न मार्गी लागत नाही तोपर्यंत रिंग रोडची मोजणी करून देणार नाही’
• ‘मुंबई इंडियन्स ते कसोटी संघात स्थान’ अवघ्या पाच महिन्यात बदलली सुर्याचे कारकिर्द