IPL 2022 SRH vs LSG : लखनऊचं हैदराबादला १७० धावांचं आव्हान; राहुल, हुडाची अर्धशतके!

🕒 1 min read

मुंबई : आयपीएल २०२२मध्ये आज सनरायझर्स हैदराबाद आणि लखनऊ सुपर जायंट्स यांच्यात सामना खेळवला जात आहे. नवी मुंबईच्या डी. वाय. पाटील स्टेडियमवर रंगणाऱ्या या सामन्यात हैदराबादचा कप्तान केन विल्यमसनने नाणेफेक जिंकून प्रथम गोलंदाजीचा निर्णय घेतला. लखनऊचा कप्तान केएल राहुल आणि स्फोटक फलंदाज दीपक हुडा यांच्या अर्धशतकांच्या जोरावर लखनऊने हैदराबादला १७० धावांचे आव्हान दिले आहे.

लखनऊचा डाव

सनरायझर्स हैदराबादचा फिरकीपटू वॉशिंग्टन सुंदरने क्विंटल डी कॉक (१) आणि एविन लुईस (१) यांना स्वस्तात बाद करत लखनऊला सुरुवातीला मोठे धक्के दिले. मनीष पांडेसुद्धा (११) मोठी खेळी करू शकला नाही. पॉवरप्लेमध्ये तीन फलंदाज गमावल्यानंतर दीपक हुडा आणि कप्तान केएल राहुलने डाव सावरला या दोघांनी संघाची धावसंख्या शतकापार पोहोचवली. हुडाने ३ चौकार आणि ३ षटकारांसह ५१ धावांची खेळी केली. रोमारियो शेफर्डने त्याला बाद केले. राहुलनेही संयमी अर्धशतकी खेळी केली. १९व्या षटकात टी. नटराजनने त्याला पायचीत पकडले. राहुलने ६ चौकार आणि एका षटकारासह ६८ धावा केल्या. शेवटच्या षटकात आयुष बदोनी आणि जेसन होल्डर यांनी फटकेबाजी केली. २० षटकात लखनऊने ७ बाद १६९ धावा केल्या. हैदराबादकडून वॉशिंग्टन सुंदर, रोनारियो शेफर्ड आणि टी. नटराजन यांनी प्रत्येकी २ बळी घेतले.

दोन्ही संघांची Playing XI

सनरायझर्स हैदराबाद – केन विल्यमसन (कप्तान), अभिषेक शर्मा, राहुल त्रिपाठी, निकोलस पूरन (यष्टीरक्षक), एडन मार्कराम, अब्दुल समद, रोमारियो शेफर्ड, वॉशिंग्टन सुंदर, भुवनेश्वर कुमार, टी. नटराजन, उमरान मलिक.

लखनऊ सुपर जायंट्स – केएल राहुल (कप्तान), क्विंटन डी कॉक (यष्टीरक्षक), मनीष पांडे, एविन लुईस, दीपक हुडा, आयुष बदोनी, क्रुणाल पंड्या, जेसन होल्डर, अँड्र्यू टाय, रवी बिश्नोई, आवेश खान.

महत्त्वाच्या बातम्या –

• राज्य सरकारमध्ये भ्रष्ट्राचाराची २०-२० मॅच; फडणवीसांचा आरोप
• “मोदी साहेबांच्या कृपेने काही दिवसात पेट्रोल 150 रुपये होईल”- जयंत पाटील
• IPL 2022 SRH vs LSG : हैदराबादनं जिंकला टॉस; लखनऊ संघामध्ये धाकड खेळाडूचं आगमन!
• “पोलीस अधिकाऱ्यांवर दबाव असल्याचं दिसून आलं”- प्रवीण दरेकर
• “आम्ही चौकशीला भीक घालत नाही”- प्रसाद लाड

IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com