🕒 1 min read
मुंबई : दरवर्षी १ एप्रिल हा दिवस जगभरात ‘एप्रिल फुल डे’ म्हणून साजरा केला जातो. या दिवशी कोणत्या ना कोणत्या कारणाने आपण आपल्या मित्र-मैत्रिणींना, नातेवाईकांना मूर्ख बनवत असतो. लहान असो किंवा मोठा सर्वच जण एकमेकांना विविध युक्त्या लढवून या दिवशी एप्रिलफुल बनवतात. परंतु, आपण हा दिवस का साजरा करतो?, कधीपासून साजरा करतो?, या दिवसा मागचा इतिहास काय? अश्या अनेक प्रश्नांची उत्तरे आपल्याला अजूनही माहित नाहीत. चला तर मग जाणून घेऊया या ‘एप्रिल फुल डे’ संदर्भात सविस्तर माहिती.
…तेव्हापासून झाली ‘एप्रिल फुल डे’ साजरा करण्यास सुरुवात
मिळालेल्या माहितीनुसार इंग्लंडचा राजा रिचर्ड द्वितीय आणि बोहेमियाची राणी अॅनी यांनी ३२ मार्च १३८१ रोजी त्यांच्या लग्नाची घोषणा केली. त्यांच्या या घोषणेनंतर जनतेमध्ये आनंदाचे वातावरण निर्माण झाले. परंतु, ३२ मार्च ही तारीख नसतेच. राजा-राणींनी केवळ जनतेला मूर्ख बनवले होते. तेव्हापासून हा दिवस ‘एप्रिल फुल डे’ म्हणून साजरा करण्यास सुरुवात झाली.
१९ व्या शतकात भारतात झाली ‘एप्रिल फुल डे’ साजरा करण्यास सुरुवात
काही अहवालांनुसार हा दिवस भारतामध्ये ब्रिटिशांनी १९ व्या शतकात साजरा करण्यास सुरुवात केली. मागील काही वर्षांमध्ये हा दिवस साजरा करण्याची क्रेझ वाढली असून सोशल मीडियावर त्याच्याशी संबंधित मीम्स आणि जोक्सही दरवर्षी व्हायरल होतात.
दरम्यान, ‘एप्रिल फुल डे’ वेगवेगळ्या देशांमध्ये वेगवेगळ्या प्रकारे साजरा केला जातो. ऑस्ट्रेलिया, न्यूझीलंड, दक्षिण आफ्रिका आणि ब्रिटनमध्ये ‘एप्रिल फुल डे’ फक्त दुपारपर्यंत साजरा केला जातो. तर जपान, रशिया, आयर्लंड, इटली आणि ब्राझीलमध्ये संपूर्ण दिवस एप्रिल फूल म्हणून साजरा केला जातो.
महत्वाच्या बातम्या
- भाजपवर अप्रत्यक्ष निशाणा साधत अमोल मिटकरींनी दिल्या ‘एप्रिल फुल’च्या हटके शुभेच्छा
- “…पण वराती मागून घोडं आलं तर उपयोग काय?”, भातखळकरांचा ठाकरे सरकारवर निशाणा
- CRZ चे नियम धाब्यावर बसवत गिरगाव चौपाटीवर व्हिवींग गॅलरी; नितेश राणेंचा आयुक्तांना इशारा
- “आमचे कुटुंब राजकारणातील असले तरी माझे आजोबा क्रिकेट…”, सुप्रिया सुळेंनी करून दिली ‘ती’ आठवण
- कोरोना काळातील निर्बंध गुढीपाडवा सणापासून पूर्णपणे हटवण्यात येणार- राजेश टोपे
बातम्यांसाठी YouTube चॅनेल Subscribe करा
Subscribe Now
