“महाराष्ट्राचा अर्थमंत्री अजित पवार होऊ शकत नाही”, निलेश राणेंचे मोठे वक्तव्य

🕒 1 min read

सिंधुदुर्ग : काल(११ मार्च) पत्रकार परिषदेत बोलत असतांना भाजप नेते निलेश राणे (Nilesh Rane) यांनी सिंधुदुर्ग जिल्ह्यातील युवकांना रोजगाराची संधी निर्माण व्हावी यासाठी कुडाळ एसटी डेपो येथे रोजगार मेळाव्याचे आयोजन केले असून हा रोजगार मिळावा १६ मार्च रोजी होणार आहे अशी माहिती दिली. यावेळी निलेश राणेंनी महाविकास आघाडी सरकारवर निशाणा साधत टीकास्त्रांचा वर्षावही केला. तसेच महाराष्ट्राचा अर्थमंत्री अजित पवार (Ajit Pawar) होऊ शकत नाही, असेही निलेश राणे म्हणाले.

यावेळी बोलत असतांना निलेश राणे म्हणाले की,‘मी अर्थसंकल्प पाहिलेला नाही अधिकाऱ्यांनी सांगितलेला अर्थसंकल्प मांडणे हे काही मोठे काम नाही मात्र हा अर्थसंकल्प तळागाळातील नागरिकांपर्यंत पोहोचणे गरजेचे आहे.’ तसेच अजित पवारांना टक्केवारी कळते पण त्यांना फायनान्स कळत नाही. त्यामुळे महाराष्ट्राचा अर्थमंत्री अजित पवार होऊ शकत नाही, असे निलेश राणे म्हणाले.

दरम्यान, पुढे रोजगारावरून शिवसेनेवर निशाणा साधत निलेश राणे म्हणाले की,‘हे रोजगार देऊ शकत नाहीत यांनी या काळात कोणतेही महत्त्वाचे काम केलेले नाही आणि त्यांच्याकडून ती अपेक्षाही नाही.’