राष्ट्रवादी पक्षाच्या मागे विचारांची एक मोठी ताकद आहे- जयंत पाटील

🕒 1 min read

सांगली: राज्याचे जलसंधारण मंत्री जयंत पाटील (Jayant Patil) यांनी आज नवीन वर्षाची सुरुवात वाळवा तालुक्यातील साखराळे गावात उपस्थित राहून “एक तास राष्ट्रवादीसाठी- आगामी महाराष्ट्राच्या विकासासाठी” या उपक्रमाने केली.

राष्ट्रवादी काँग्रेस पक्षाला देशाचे नेते खासदार शरद पवार (Sharad Pawar) यांचे नेतृत्व लाभलेले आहे. पक्षाच्या मागे विचारांची एक मोठी ताकद आहे. या विचारांचा प्रसार करण्यासाठी आपण हा उपक्रम राबवत आहोत. या उपक्रमाच्या माध्यमातून राष्ट्रवादी विचारांच्या कार्यकर्त्यांची फळी निर्माण करायची असल्याचे जयंत पाटील यांनी ट्वीट करत म्हटले आहे.

राष्ट्रवादी काँग्रेस पक्षाला देशाचे नेते आ. खा. @PawarSpeaks यांचे नेतृत्व लाभलेले आहे. पक्षाच्या मागे विचारांची एक मोठी ताकद आहे. या विचारांचा प्रसार करण्यासाठी आपण हा उपक्रम राबवत आहोत. या उपक्रमाच्या माध्यमातून राष्ट्रवादी विचारांच्या कार्यकर्त्यांची फळी निर्माण करायची आहे. pic.twitter.com/FUiNXw1M0z

— Jayant Patil- जयंत पाटील (@Jayant_R_Patil) January 1, 2022

तसेच प्रत्येक महिन्याच्या पहिल्या शनिवारी पक्षाच्या कार्यकर्त्यांनी एकत्र येत बैठक घ्यावी, वैचारिक देवाणघेवाण करावी, आपल्या गावाचा, शहराचा, जिल्ह्याचा विकास कसा होईल यासाठी विचारमंथन करावे. आपला पक्ष हा शिस्तप्रिय आहे, या उपक्रमाच्या माध्यमातून कार्यकर्त्यांमध्ये शिस्त रुजली पाहिजे. असे आवाहनही जयंत पाटील यांनी कार्यकर्त्यांना दिले आहे. ते “एक तास राष्ट्रवादीसाठी- आगामी महाराष्ट्राच्या विकासासाठी” या उपक्रमात सांगली येथील वाळवा तालुक्यातील साखराळे गावात बोलत होते.

महत्त्वाच्या बातम्या

• ओमायक्रॉनच्या पार्श्वभूमीवर केंद्राचे राज्यांना पत्र; दिल्या ‘या’ सूचना
• भीमा नदीच्या तीरावर उभारलेला क्रांतीस्तंभ हा केवळ स्तंभ नाही तर…- जितेंद्र आव्हाड
• नववर्षाच्या पहिल्या दिवशी १० कोटी शेतकऱ्यांना पंतप्रधान देणार पीएम किसानचा हप्ता
• ‘अनेक संकटं येऊन गेली पण समाधान याचे की…’,फडणवीसांकडून नवंवर्षाच्या शुभेच्छा
• …म्हणून बैलगाडा शर्यत हणून पाडली; आढळराव पाटलांचा प्रशासनावर आरोप