मुंबई : शिवसेनेचे नेते, खासदार संजय राऊत यांनी कोथळा काढण्याची भाषा केली होती. त्याच्या या वक्तव्यावरुन भाजपने राऊतांना टीकेचे लक्ष्य केले होते. ‘कोथळा काढण्याची भाषा ही धमकी असून आपल्या संस्कृतीला शोभणारी भाषा नाही. त्यामुळे पोलिसांनी त्यांच्याविरोधात तक्रार दाखल करुन त्यांना अटक करावी’, अशी मागणी आता भाजपने केली आहे.
दरम्यान यावर आता संजय राऊत यांनी प्रतिक्रिया देताना भाजपला खोचक टोला लगावला आहे. ‘भाजप माझ्यावर गुन्हा दाखल करण्याची भाषा करत आहेत. पण मी कुणाचा कोथळा काढायची भाषा केली हे सांगायला पाहिजे ना?’, असं सांगतानाच चंद्रकांत पाटलांना बाबासाहेब पुरंदेरंचं शिवचरित्रं पाठवून देऊ. त्यांनी ते वाचावं. इतिहासात कोथळा काढणं म्हणजे काय? हे समजून घ्यावं. अशी खोचक टीका शिवसेना नेते संजय राऊत यांनी केली आहे.
तसेच चंद्रकांत पाटील पाठीत खंजीर खुपसण्याची भाषा करत होते. त्यावर आपली परंपरा काय आहे हे मी त्यांना समजावत होतो. ती आपली परंपरा नाही, आपण समोरून वार करतो. छत्रपती शिवाजी महाराजांनी समोरून वार केला हे मी सांगत होतो. आता चंद्रकांत पाटील कुणावर खटला दाखल करणार याची माहिती घ्यावी लागेल, असा टोला राऊत यांनी लगावला.
महत्त्वाच्या बातम्या
- भाजपच्या लाटेतही महाराष्ट्र एकीकरण समितीच्या ‘या’ चार शेलेदारांनी बेळगावात फडकत ठेवला भगवा
- ‘हा’ खेळाडू आमच्यासाठी धोकादायक’; इंग्लंडच्या उपकर्णधाराने व्यक्त केली भीती
- संभाव्य तिसऱ्या लाटेच्या पार्श्वभूमीवर पथदर्शी प्रकल्प म्हणून कोरोनामुक्त वार्ड करा – गोऱ्हे
- ‘मनी हाइस्ट’ ची टोकियो आहे रियल लाईफमध्ये पण बिनधास्त
- वाढीव रक्कम न भरलेल्या शेतकऱ्यांना अक्रियाशील घोषित करुन नये, आ. पवार यांची मागणी
बातम्यांसाठी YouTube चॅनेल Subscribe करा
Subscribe Now
