मुंबई : शिवसेनेचे खासदार संजय राऊत आणि भाजपचे प्रदेशाध्यक्ष चंद्रकांत पाटील यांच्यात चांगलीच खडाजंगी सुरु आहे. राऊतांनी कोथळा काढण्याची भाषा केली होती यावर चंद्रकांत पाटलांनी त्यांना उत्तर देत राऊतांवर निशाणा साधला आहे. पाटलांच्या टीकेवर संजय राऊत यांनी जोरदार प्रत्युत्तर दिलं आहे.
मी तिथे असतो तर थोबाडीत मारली असती असं केंद्रीय मंत्री नारायण राणे म्हणाले म्हणून तुम्ही त्यांना अटक केली. मग संजय राऊत तर कोथळा काढण्याची भाषा करतात. हिंसाचार, सरळ धमकी देतात. यावर मुख्यमंत्र्यांनी कारवाई केली पाहिजे. अटक केली पाहिजे, असे चंद्रकांत पाटील म्हणाले आहेत.
संजय राऊतजी कोथळा काढण्यासाठी जे हातात घ्यावं लागतं ते उचलण्याची ताकद तुमच्या दंडामध्ये आहे की नाही हे बघा. आम्ही सज्जन आहोत पण एवढेही नाही की, एका गालात मारली तर दुसरा गाल पुढे करु, असं म्हणत चंद्रकांत पाटलांनी संजय राऊतांवर टीका केली. त्यांच्या याच टीकेवर राऊतांनी उत्तर दिलं आहे.
शिवाजी महाराजांनी अफजलखानाचा कोथळा काढला. तुम्ही त्यांच्यावर गुन्हा दाखल करा म्हणता का? इतिहास समजून घ्या. आमच्या दंडाशी बरोबरी करू नका. आमच्याकडे दंड आणि दांडा दोन्ही ही असतो, असा इशारा यावेळी संजय राऊतांनी दिला आहे.
महत्त्वाच्या बातम्या
- ‘करुणा शर्मा यांच्याबाबत मजकूर प्रकाशित केल्यास हायकोर्टाचा अवमान’, धनंजय मुंडेंच्या वकिलाचे माध्यमांना पत्र
- ‘मुख्यमंत्र्यांच्या घरातील दोघे पॉझिटिव्ह; अन् बेअक्कल संज्या म्हणतो पापी लोकांनाच कोरोना होतो’
- शिवसेना बैलगाडा मालकांच्या पाठीशी खंबीरपणे उभी; संजय राऊतांनी स्पष्ट केली पक्षाची भूमिका
- ‘राज्यपाल हे पॉलिटिकल एजंट, भाजपला हवे तेच ते करतात’, संजय राऊतांची वादग्रस्त टीका
- पंडित नेहरुंशी वैर का?; ‘राऊतांचा सामना’तून रोखठोक सवाल
